Categories: МЭДЭЭ, СОЁЛ УРЛАГ2026-06-15

Хоёр Монгол гишүүнтэй Кпопын “Навилера” хамтлаг анхны монгол үг орсон дуугаа цацлаа

Нийтэлсэн: А.Алтанчимэг
2026.06.15 12:46

Хоёр Монгол гишүүнтэй Кпопын “Навилера” хамтлаг анхны монгол үг орсон дуугаа цацлаа. NAVILLERA бол Өмнөд Солонгосын “Troy Entertainment” агентлагийн 4 гишүүнтэй охидын хамтлаг юм. Тэдний хоёр нь монгол охид гэдэг нь олны анхаарлыг татаж байна. Монгол охидыг төлөөлж Б.Энэрэл (Enny), Я.Эгшиглэн (Melody) нарын гишүүнчлэлтэй NAVILLERA хамтлаг зургаадугаар сарын 10-нд “Friday Night” нэртэй хоёр дахь синглээ албан ёсоор цацлаа.

720602342_1037233482167130_620187519104054926_n

Уг дууны үгэнд монгол хэлээр “Хайртай шүү” гэх хэсэг орсон нь сонсогчдын анхаарлыг татаж, цахим орчинд монгол фенүүдийн дунд өргөнөөр яригдаж байна. Хайртай шүү дуу нь орох “Friday Night” нь NAVILLERA хамтлагийн хоёр дахь уран бүтээл бөгөөд энэ дуугаар зуны өнгө аястай, эрч хүчтэй хэв маягийг сонгожээ. Б.Энэрэл буюу ЭННИ нь 2004 оны тавдугаар сарын 3-нд төрсөн бөгөөд NAVILLERA хамтлагт реппер, дуучны үүргийг гүйцэтгэдэг хамгийн залуу гишүүн юм.

723917767_1008966964948356_1885562928550974010_n

Солонгосын “Universe Ticket” шоуны оролцогч байсан нь түүнийг К-поп сонирхогчдод танигдахад нөлөөлжээ. Я.Эгшиглэн буюу Мелоди нь Улаанбаатар хотод 2004 оны гуравдугаар сарын 23-нд төрсөн. Монгол Улсын Консерваторт суралцаж байсан тэрээр NAVILLERA хамтлагийн (main vocalist)-оор ажилладаг. Мөн Солонгосын “Miss Trot 4” хөгжмийн шоунд оролцож байсан туршлагатай.