Монгол Улсын арслан М.Мөнгөн агсаны нэрэмжит xүчит бөxийн барилдаан болно
Netflix-ийн алдарт Squid Game цувралын гол дүрийн жүжигчин И Жүн Жэ энтертайнмент ертөнцийн томоохон шагнал гардуулах ёслолуудын нэг болох “Emmy Awards”-ын драм төрөлд шилдэг гол эрэгтэй дүрийн шагнал авлаа. Ингэснээр энэ номинацын ялагч болсон анхны Ази жүжигчин болж, нэрээ мөнхөлж буй.
Түүнчлэн тус киноны найруулагч Хван Донг-Хюк драм төрөлд шилдэг найруулагчийн шагнал авснаар мөн л энэ шагналыг авч буй анхны Ази хүн болж байна. Өнгөрсөн онд цацагдсан “Squid Game” цуврал БНСУ-ын кино урлагийг дэлхийд бүрэн утгаар нь таниулсан гэхэд буруудахгүй. Тодруулбал, энэхүү цуврал кино нь ойролцоогоор 900 сая ам.долларын ашиг олсон талаар Bloomberg мэдээлж байсан юм.
Бусад шагналуудын эздээс онцлох хүн бол Холливудын залуу жүжигчин Зендаяа юм. Тэрээр 2020, 2022 онд “Euphoria” киноны гол дүрээр хоёр ч удаа ийнхүү драм төрөлд шилдэг эмэгтэй гол дүрийн шагнал авснаар энэ шагналыг авсан хамгийн залуу жүжигчнээр тодроод байна.
SOURCE: BBC
0
0
0
0
0
0
0
0
