Байдены заxиргaa бүрэн эрxийнxээ xугацаанд Украины өрийг тэглэxийг эрмэлзэж байна
ОХУ-ын Эдийн засгийн яамны мэдээлснээр жилийн инфляц 3-р сарын 11-ний байдлаар өмнөх долоо хоногтой нь харьцуулахад 10.4% -өөс 12.5% болж өсжээ.
Барууны орнууд Москваг Украин руу довтолсонтой холбогдуулан урьд өмнө байгаагүй олон хориг арга хэмжээ авсны дараа Оросууд эдийн засгийн хүндрэлийг мэдэрч эхэлж буй нь энэ юм.
Гурван долоо хоног үргэлжилсэн хурцадмал байдлын дараа ОХУ-ын Ерөнхийлөгч Владимир Путин хоёрдугаар сарын 24-нд хуурай газар, далай, агаараас халдлага үйлдэхийг тушааж, санхүүгийн хязгаарлалтын давалгааг өдөөсөн нь рублийн ханшийг унагаж, инфляцыг огцом өсгөж, олон хүнийг ажилгүй болголоо гэж шинжээчид үзэж байна.
Путин лхагва гарагт засгийн газрын сайд нарт хандан хэлсэн үгэндээ Орос улс "эдийн засгийн блицкригийг" даван туулж чадна гэж мэдэгдэв.
"Блицкриг" буюу "аянга цахилгаантай дайн" нь Дэлхийн 1-р дайны үед германчуудын анхлан хэрэгжүүлсэн стратеги юм.
Росстатын албан ёсны статистикийн агентлаг лхагва гарагт инфляц 3-р сарын 5-11-ний хооронд 2.1 хувиар өссөн нь сүүлийн 20 гаруй жилийн хугацаан дахь хамгийн өндөр үзүүлэлт болсон гэдгийг онцлов.
Бизнесийн "Коммерсант" сонин хоёрдугаар сарын 26-наас гуравдугаар сарын 4-ний хооронд хүнсний үнэ 10.4 хувиар өссөн нь 1998 оноос хойших хамгийн өндөр өсөлт болсон тухай мэдээлэв.
Зургийн тайлбар: ОХУ-ын Украинд хийсэн халдлагаас хойш тус улсаас гарсан олон улсын компаниудын жагсаалт
Баруун өмнөд нутгийн Самара хотын иргэн, өөрийгөө Иван гэж нэрлэсэн сошиал сүлжээ хэрэглэгчийн нийтэлснээр нэг лааз туна загас урьд нь 130 рублийн үнэтэй байсан бол одоо 160-180 рублийн үнэтэй болжээ. Мөн тэрээр олон дэлгүүрт элсэн чихэр олдохгүй байгааг твиттер хуудсандаа бичжээ.
Сүүлийн гурван долоо хоногт Оросын мөнгөн тэмдэгт үнэ цэнээ 20 орчим хувиар алдсан нь олон жижиглэнгийн худалдаачдыг үнээ өсгөхөд хүргэсэн юм.
Эдгээрийн нэг нь Procter&Gamble компани ложистик, материалын зардал өндөр, рублийн ханш унаснаас болж үнээ дунджаар 40 хувиар нэмсэн гэж Коммерсант мэдээлэв. Эмэгтэйчүүдийн эрүүл ахуйн бүтээгдэхүүнүүд ч одоо 30 хувиар нэмэгдээд байна.
Зардлын өсөлтөөс ялгаатай нь жижиглэнгийн худалдаачид сүүн бүтээгдэхүүн, зарим хүнсний ногоо зэрэг үндсэн барааны үнэд таван хувийн нэмэгдэл олгох үүрэг хүлээсэн гэж ТАСС агентлаг мэдээлэв.
Эх сурвалж: Aljazeera
0
0
0
0
0
0
0
0
