Израилийн xийсэн агаарын цоxилтын улмаас 65 xүний амь үрэгдэв
АНУ-ын засаг захиргаа өөрийн захиалсан 60 сая тун AstraZeneca вакциныг бэлэн болмогц нь дэлхийн бусад улс орнуудтай хуваалцахаар болсноо Цагаан ордноос өчигдөр зарлалаа.
Тус улсын эрүүл мэндийн байгууллага AstraZeneca вакцинд зөвшөөрөл олгоогүй байгаа. Тиймээс зөвшөөрөл олгох үйл явц дууссаны дараа гадаадад экспортлох аж. Сүүлийн үед АНУ-ыг хэрэгцээнээсээ хэтэрсэн их хэмжээний вакциныг нөөцөлж байна хэмээх шүүмжлэл олон улсын түвшинд яригдах болсон. Өнгөрсөн сард АНУ-ын ерөнхийлөгч Жо Байден дөрвөн сая тун AstraZeneca вакциныг хөрш Канад, Мексик улсуудад нийлүүлэхээ амалж байв. Дээрх хоёр улсад AstraZeneca вакциныг дархлаажуулалтдаа хэрэглэж байгаа юм.
Сүүлийн үед Энэтхэг улсад цар тахлын томоохон гамшиг нүүрлэсэн нь бас Байдены засаг захиргаанд үзүүлэх дарамт шахалтыг нэмэгдүүлсэн байна. Ойрын өдрүүдэд АНУ-ын Эм, Хүнсний хэрэг эрхлэх газар AstraZeneca вакцинд яаралтай горимд хэрэглэх зөвшөөрөл олгох ба үүний дараа эхний 10 сая тун вакцин экспортлох боломж нээгдэх ажээ. Үлдсэн 50 сая тун вакцин нь одоо үйлдвэрлэлийн шатандаа явааг мэдээллээ. Вакцины багагүй хэсгийг Энэтхэг улсад нийлүүлэх магадлалтай байна. Учир нь өчигдөр АНУ-ын ерөнхийлөгч Жо Байден Энэтхэгийн ерөнхий сайд Нарендра Модитой утсаар ярихдаа шуурхай тусламж үзүүлэхээ амласан юм. Тусламжийн багцад хүчилтөрөгч, оношлуур, хамгаалалтын хувцас хэрэгсэл, Remdesivir вирусийн эсрэг эм зэрэг зүйлс багтжээ.
АНУ хүн амынхаа дархлаажуулалтад Pfizer/BioNTech, Moderna, Johnson & Johnson компаниудын бүтээсэн коронавирусийн эсрэг вакциныг хэрэглэж байгаа. Эдгээр вакцинуудын нөөц хангалттай бүрдсэн тул AstraZeneca компанийн вакциныг хэрэглэх шаардлага гарахгүй гэж мэргэжилтнүүд үзэж байна.
0
0
0
0
0
0
0
0
