Хотын дарга Б.Пүрэвдагва мопед, скүүтертэй холбоотой захирамж гаргалаа
Жил бүрийн долоодугаар сарын 20-ны өдрийг дэлхий даяар Олон улсын шатрын өдөр болгон тэмдэглэдэг. Энэ өдөр нь 1924 оны долоодугаар сарын 20-нд Францын Парис хотноо Олон улсын шатрын холбоо (FIDE) байгуулагдсаны ойд зориулан тэмдэглэж ирсэн бөгөөд НҮБ-ын Ерөнхий Ассамблей 2019 онд албан ёсоор Дэлхийн шатрын өдөр болгон зарласан юм.
Иймээс дэлхийн олон оронд энэ өдрийг тохиолдуулан хүүхэд, залуучуудын боловсрол, танин мэдэхүйн хөгжилд чиглэсэн шатрын сургалт, тэмцээн, өдөрлөг болон олон нийтийн арга хэмжээг хийдэг байна.
Олон улсын шатрын холбоо (FIDE)-ны 100 жилийн ойн хүрээнд манай улсад төв талбай болон орон нутагт шатрын өдөрлөг, олон нийтийн арга хэмжээнүүд зохион байгуулагдлаа.
Манай улсад шатрын спорт сүүлийн жилүүдэд эрчимтэй хөгжиж, олон улсын хэмжээний их мастер, олон улсын мастер, өсвөрийн шилдэг тамирчид олноор төрөн гарсаар байна. Жил бүрийн Олон улсын шатрын өдрөөр Монголын Шатрын Холбоо тусгай хөтөлбөр хэрэгжүүлж, иргэдийг шатар тоглох, суралцах, оюуны спортыг түгээн дэлгэрүүлэхэд чиглэсэн нээлттэй өдөрлөгүүдийг уламжлал болгон зохион байгуулдаг аж.
1
0
1
0
0
0
0
1
