УИХ-ын гишүүн Л.Мөнхбаатарыг Хууль зүй, Дотоод хэргийн сайдаар томиллоо
2025 оны Дэлхийн хэмжил зүйн өдрөөр Метрийн хэлэлцээрийн 150 жилийн ойг тэмдэглэж “Хэмжил – бүх цаг хугацаанд, хүн бүрд урианы дор бидний өнгөрсөн, одоо, ирээдүй дэх хэмжлийн ач холбогдлыг онцолж байна.
Хэмжил нь бидний өдөр тутмын амьдралын салшгүй хэсэг бөгөөд өнөөгийн нийгэмд хэмжил хийдэггүй, хэмжлийн үр дүнг ашигладаггүй эдийн засаг, нийгэм, техник, технологийн дамжлагийн нэг ч салбар байхгүй гэхэд хилсдэхгүй. Манай улсын хувьд ч тор засгаас дэвшүүлсэн нийгэм, эдийн засгийн зорилтуудыг хэрэгжүүлэхэд хэмжил зүй чухал ач холбогдолтой.
Тиймээс Засгийн газрын тогтоолоор 2006 оноос эхлэн Дэлхийн хэмжил зүйн өдрийг Монгол Улсад албан ёсоор тэмдэглэж, олон нийтэд хэмжил зүйн ач холбогдлыг ойлгуулж, тайлбарлан таниулахыг чухалчилсан байна.
Энэ өдрийг тохиолдуулан Стандарт хэмжил зүйн газраас “ХЭМЖИЛ-БҮХ ЦАГ ХУГАЦААНД, ХҮН БҮРД ” сэдэвт семинарыг зохион байгуулж байна. Стандарт, хэмжил зүйн газар (СХЗГ) болон 21 аймгийн стандарт, хэмжил зүйн хэлтсүүд нь Дэлхийн хэмжил зүйн өдрийг тохиолдуулан хэмжил зүйн үйл ажиллагааны ач холбогдлыг олон нийтэд сурталчлан таниулах, хэрэглэгчдийн мэдлэг ойлголтыг нэмэгдүүлэх зорилгоор цогц арга хэмжээг зохион байгуулж байна.
Арга хэмжээнд хэмжил зүйн салбарын мэргэжилтнүүдийн оролцоотойгоор сургалт, семинар, хэлэлцүүлэг зохион байгуулагдаж байгаа бөгөөд төрийн болон төрийн бус байгууллага, хувийн хэвшлийн аж ахуйн нэгжүүдийг хамруулж байна.
Ингэснээр хэмжлийн үнэн зөв байдал нь иргэдийн өдөр тутмын амьдрал, эдийн засгийн хөгжил, үйлдвэрлэл, худалдаа, эрүүл мэндийн салбар зэрэгт ямар чухал үүрэгтэй болохыг олон нийтэд таниулахад чиглэж байна.
Цаашид ч хэмжил зүйн үйл ажиллагааны хүртээмж, чанарыг сайжруулах, салбар хоорондын хамтын ажиллагааг өргөжүүлэхэд энэхүү өдрийн хүрээнд зохион байгуулж буй ажил арга хэмжээ чухал түлхэц болно гэж салбарынхан үзэж байна.
0
0
0
0
0
0
0
0
