Ч.Хантүмэн: Данс хаачихлаа, дарга нарыг мууллаа гээд ингэв үү
Энэтхэгийн хууль сахиулагчид уугуул иргэд амьдардаг, хориотой арал дээр нууцаар очсон АНУ-ын жуулчныг баривчилжээ.
24 настай Михаило Викторович Поляков Энэтхэгийн Андаманы арлуудын Хойд Сентинелийн арал дээр амьдардаг уугуул иргэдийг харахын тулд хориотой арал дээр хөл тавьжээ. Арлынхаа хүмүүсээс өөр хүмүүстэй харилцаа холбоогүй Сентинелийн арлын уугуул иргэдийг халдварт өвчин эмгэгээс хамгаалж, соёл уламжлал, аж амьдралыг нь хэвээр хадгалж үлдээхийн тулд Сентинелийн арал дээр гадны төдийгүй дотоодын иргэдийг хөл тавихыг, аралд ойртохыг хориглодог аж.
Цагдаа нарын мэдээлсэнээр Михаило Викторович Поляков нь арал дээх хөл тавьж, уугуул иргэдийг гарч ирэхийг нь хүлээж хэсэг зогссон ба эцэст нь арлын элснээс авч, видео бичлэг хийснийхээ дараа буцжээ. Түүнийг өнгөрсөн даваа гарагт баривчилсан ба тэрээр Сентинедийн арал дээр хөл тавих гэж өмнө нь хоёр ч удаа оролдсон нь тогтоогджээ.
Өнгөрсөн 10-р сард болон энэ оны 1-р сард М.Поляков хийлдэг завиар арал руу хүрэхийг оролдсон ч бүтэлгүйтсэн ба энэ удаад тэрээр моторт завиар аралд хүрсэн байна. Сентинелийн арал дээр амьдардаг уугуул иргэдийн хэл болон соёл уламжлал нь гадныханд нууц хэвээр байгаа ба арлынхан гадаад орчинтой харилцахаас зайлсхийсээр ирж, харилцаа үүсгэх гэсэн хүмүүст дайсагнасан хандлага гаргаж байсан тохиолдлууд байдаг аж.
2018 онд уугуул иргэд Хойд Сентинел арал дээр хөл тавьсан Америкийн номлогч Жон Аллен Чауг хөнөөсөн юм. Тус арал дээр хэн ч хөл тавих эрхгүй учраас амь үрэгдсэн номлогчийн цогцос арал дээр үлдэж, мөрдөн шалгах ямар ч ажиллагаа явагдаагүй билээ.
0
0
0
1
0
0
0
0
