С.Батдөл өнгөрсөн оны 9 сараас хойш амралтын газар галчаар ажиллажээ
УИХ-ын гишүүн Н.Номтойбаяр мэдээлэл өгч байна.
Тэрбээр “Хэн нэгний дургүй компаниуд олон нийтэд хулгайч мэт муухай болж харагдах ёсгүй. Хуулийн дагуу үйлдвэрээ байгуулж, улс орныхоо эдийн засагт хувь нэмэр оруулъя гэж хөдөлмөрлөж байгаа хүмүүсээ баалаад байх утгагүй. Хуулийн өмнө бүгд тэгш эрхтэй. Гаднын хөрөнгө оруулагч гаднынхан гэхээр л бүгдийнх нь өвдөг сулраад, хамаг юмаа барьж гүйгээд байдаг. Дотоодынхондоо болохоор маш дээрэнгүй ханддаг. Гаднынхан дандаа татварын давуу байдал эдэлж, дотоодынхондоо татварын дарамт учруулж байдаг. Энэ нэг ялгавартай байдлаа болчхооч ээ.
Л.Оюун-Эрдэнийн Засгийн газрыг төлөөлж хэрэг эрхлэх газрын дарга Н.Учрал сүүлийн 2-3 хоногт “Төгрөг нуурын орд” түүний эзэмшил бүхий эзэн Халтмаагийн Баттулгатай холбоотой хэд хэдэн мэдэгдлүүдийг хийсэн. “Төгрөг нуурын орд”-ын талаар асуухад АТГ-ын дарга хэвлэлээр явж байгаа мэдээлэлтэй л байна. Ийм арчаагүй байж болохгүй. Би АТГ-ын дарга байсан бол даруй шалгана. О.Алтангэрэл сайд үүн дээр анхаарч ажиллах ёстой.
Стратегийн ордтой компаниуд Засгийн газартай хэлэлцээрт орох хүсэлтээ илэрхийлээд явж байгаа. Х.Баттулга ч хэлэлцээрт орох ёстой. Стратегийн ордуудыг ялгавартай байдлаар бус нэг зарчмаар асуудлыг нь шийдэх хэрэгтэй” гэв.
Н.ГОНГОР
1
0
0
0
0
0
0
0
