Монгол хэл бичгийн шалгалт энэ сарын 18, 19-д болно
“Amazon” компани Хятадын ByteDance компанийн “TikTok” аппликэйшний АНУ дахь салбарыг худалдан авах хүсэлтээ гаргасан талаар The New York Times мэдээлж байна. “Amazon” компани уг хүсэлтээ захидал хэлбэрээр АНУ-ын Дэд ерөнхийлөгч Жэй Ди Вэнс, Худалдааны сайд Ховард Латник нарт илгээсэн байна.
АНУ-ын Ерөнхийлөгч Д.Трамп ойрын хугацаанд засгийн газрын гишүүдтэйгээ хийх хурлынхаа үеэр “TikTok” аппликэйшний асуудлыг хэлэлцэхээр төлөвлөжээ.
2024 оны хавар АНУ-ын Конгрессын Төлөөлөгчдийн танхим “TikTok” аппликэйшний АНУ дахь үйл ажиллагааг хориглох хуулийн төслийг баталсан билээ. Конгрессын гишүүд “TikTok” аппликэйшний эзэмшигч “ByteDance” компани Хятадын засгийн газарт Америк дахь “TikTok” хэрэглэгчдийн хувийн мэдээллийг задруулж болзошгүй нь АНУ-ын үндэсний аюулгүй байдалд заналхийлж байна гэж үзсэн юм. Уг хуулийн төсөлд Ерөнхийлөгч Жо Байден гарын үсгээ зурж, АНУ-ын Дээд шүүх уг хуулийн төслийг дэмжсэн юм.
Тэгвэл өнгөрсөн 1-р сарын 20-нд ерөнхийлөгчийн тангарагаа өргөсөн даруйдаа Ерөнхийлөгч Д.Трамп дээрх хуулийн төслийн хэрэгжилтийг 75 хоногоор хойшлуулж, “TikTok” компани хувьцааныхаа 50 хувийг Америкийн компанид шилжүүлсэн тохиолдолд АНУ-д үйл ажиллагаагаа хэвийн үргэлжлүүлэх боломжтой гэсэн болзол тавьсан юм.
0
0
0
0
0
0
0
0
