Манай улс НҮБ-ын Хүний эрхийн зөвлөлд дөрөв дэх тайлангаа хүргүүлнэ
АТГ-ын даргыг Ерөнхийлөгчийн санал болгосноор УИХ зургаан жилээр томилдог байсан бол одоо Ерөнхий сайд бүрэн эрхийнхээ хүрээнд томилох эрхтэй. АТГ-ын даргаар өдгөө ажиллаж байгаа З.Дашдаваагийн бүрэн эрхийн хугацаа өнөө жил дуусаж буй. Түүнийг 2019 оны тавдугаар сард Ерөнхийлөгч Х.Баттулга санал болгон томилуулж байсан түүхтэй. Тэгвэл өнөө өглөө Засгийн газрын хуралдаан дээр АТГ ын дарга З.Дашдавааг Ерөнхий сайд бүрэн эрхийнхээ хүрээнд улираан томилох шийдвэр гаргаснаа танилцуулан, ЗГ-ын гишүүдийнхээ саналыг сонссон байна. Ийнхүү З.Дашдавааг АТГ-ын даргаар улираан томилох асуудал энэ долоо хоногийн УИХ-ын чуулганаар орох нь ээ. Гэвч товчхондоо Ерөнхий сайдын энэ саналыг чуулган батламжлах л төдий. Тэгэхээр З.Дашдаваа АТГ-ын даргаар улиран ажиллах нь тодорхой боллоо.
З.Дашдаваагийн тухайд Хэнтийнх. Х.Баттулгын томилгооны хүнийг Ерөнхий сайд ийн дэмжиж буй эхний логик нь З.ДАшдаваа, Л.Оюун-Эрдэнэ хоёр нэг нутаг. Хоёрдугаарт 5ш ажиллагаан дээр гар нийлж ажиллаж буй учир түүнийг ийнхүү улираан томилох болсон биз ээ.
З.Дашдаваагийн намтартай танилц
- 1992-1996 онд Цагдаагийн дээд сургуульд сурч төгссөн.
- 1995-1996 онд Хэнтий аймгийн Цагдаагийн газарт Эрүүгийн төлөөлөгч;
- 1996-2001 онд Нийслэлийн Баянгол дүүргийн цагдаагийн хэлтэст хэрэг бүртгэгч, эрүүгийн төлөөлөгч,
- 2002-2003 онд Улсын Эрүүгийн цагдаагийн газарт эрүүгийн төлөөлөгч;
- 2003-2006 онд Говь-Алтай аймгийн Засаг даргын дэргэдэх цагдаагийн хэлтэст Эрүүгийн тасгийн дарга;
- 2006-2008 онд Нийслэлийн Сонгинохайрхан дүүргийн Засаг даргын дэргэдэх Цагдаагийн хэлтэст Эрүүгийн тасгийн дарга;
- 2008-2014 онд Улсын Цагдаагийн ерөнхий газрын Дотоод хяналт, шалгалт, аюулгүй байдлын хэлтэст тасгийн дарга, хэлтсийн дарга;
- 2014-2017 онд Хууль сахиулахын их сургуулийн Цагдаагийн сургуулийн захирал;
- 2017 оны 3-р сарын 16-ны өдрөөс Сүхбаатар дүүрэг дэх Цагдаагийн хоёрдугаар хэлтсийн даргаар тус тус томилогдон ажилласан.
- 2018 оноос Цагдаагийн ерөнхий газрын Дэд даргаар ажиллаж байсан.
- 2019 оны 5-р сараас Авилагатай тэмцэх газрын даргаар томилогдоод байна.
0
1
0
0
1
0
0
0
