Төсөв 2025: Сангийн сайдын “Б” төлөвлөгөө
Таны гар цаашилбал хөлний тавхай, нуруу, суга гэхчлэн биеийн зарим хэсгүүд хөлөрдөг бол эдгээрийн шалтгаан нь юу болох талаар мэргэжилтнүүдийн зөвлөгөөг хүргэе.
Хэт их хөлрөх нь дотоод эмгэгтэй холбоотой. Төв мэдрэлийн системийн нөлөөгөөр хөлсний булчирхайнаас ялгарах шүүрэл ихсэх болон арьсаар цусны шингэн эд нэвчиж байгаа үзэгдлийг хөлрөлт гэдэг ажээ. Хүний бие махбодийн бүх үйл ажиллагаа, үйл хөдлөлийг төв мэдрэлийн тогтолцоо зохицуулж байдаг бөгөөд хөлрөх нь дараах тохиолдлуудад ихэсдэг.
Yүнд:
- Халуун хоол унд идэж уух, биеийн хүчний ажил, дасгал хийх, халуун орчинд байх үед хүний биеийн дулаан нэмэгдэж халууцдаг. Yүний үр дүнд биеийн бодисын солилцоо нэмэгдэж, задралын эцсийн бүтээгдэхүүн болох ус нь хөлс болж гадагшилснаар биеийн дулаан тогтвортой хэмд хадгалагдана
- Гэнэт айж цочих, сандрах, хүчтэй өвдөх үед
- Цэвэршилтийн үед болон хүнд өвчнөөр өвдсөний дараа,
- Төрсний дараа,
- Хордлого ихтэй өвчин,
- Зүү эмчилгээний дараа
- Төв мэдрэлийн тогтолцооны тэнцвэр зохицуулалт алдагдсанаас хүн хөлрөмтгий болдог байна.
Хөлсөөр бодисын солилцоонд үүссэн задралын бүтэц болох ус, эрдэс бодис, уураг, шээсний хүчил, эмийн бодис, эсрэг биет зэрэг хүний биед ашигтай болон хортой олон бодисууд гадагшилдаг.
Хөлрөмтгий эсвэл хөлрөхгүй байх нь тухайн хүний мэдрэлийн системийн онцлог, хэлбэрээс их шалтгаалдаг. Бие султай, мэдрэлийн систем тогтворгүй хүний хөл, гар байнга хүйтэн хөлстэй явдаг.
Хэт их хөлөрдөг хүмүүс хөлсөөрөө эрдэс бодис болон бусад хэрэгцээт бодисуудаа гадагшлуулснаар амархан ядарч сульдан, шөрмөс нь татах сөрөг нөлөөтэй. Ийм тохиолдолд шингэн зүйл сайн уух хэрэгтэй. Хүн тодорхой хэмжээгээр хөлөрч байх нь биед сайн байдаг. Жишээ нь вирусын ханиад, бөөрний өвчин, архаг хордлого, мэдрэлийн өвчнүүдийн үед өвчтөнийг зохиомлоор хөлрүүлдэг эмчилгээ бий.
Ингэснээр эсрэг биет болон бусад нэгдлүүдийг хөлсөөр гадагшлуулж, алдагдсан хэрэгцээт бодисыг эм уулгах болон тарих замаар эргэж нөхдөг.
Нүүрээр хөлөрдөг бол
Их хөлөрдөг нүүртэй хүн савантай хүйтэн усаар угааж байх нь чухал. Мөн лосьоноор /чийгшүүлэгч /арчих нь тустай. Өөрөө нүүрээ арчих бэлдмэл бэлтгэж болно.
Үүнд: – Борын хүчил нэг цайны халбагыг нэг шилэн аяга буцалсан усанд уусган хөргөөд шилэн аяганы1/4 архи ба хоолны цуу нэмнэ .
– Арьс улайж өвдвөл 1-2 цагийн туршид гашилсан сүүгээр жин тавих хэрэгтэй. Жинг 5-10 минут тутамд солих хэрэгтэй.
Гар хөлөрдөг бол
Гарын алга хөлрөх нь мэдрэлийн системийн хямралаас шалтгаална.Гарын алга хөлрөх нь биө хөлрөхөөс огт өөр физиологийн үзэгдэл юм. Энэ нь халууцсанаас бус харин цочролоос үүдэлтэй бөгөөд ямар нэг зүйлээс айж цочих, нэг зүйлд хэт анхаарлаа төвлөрүүлэх үед гарын алга хөлөрдөг нь тогтоогджээ. Мөн унтах үед гарын алга хөлөрдөггүй. Учир нь унтах үед гарын алга дахь хөлсний булчирхайн үйл ажиллагаа зогсдог бөгөөд харин тэр үед бие хөлөрдөг байна.
Тавхай хөлөрдөг бол
Хөлийн хурууны салааг спиртлэг лосьон, уротропициний 10 хувийн уусмалаар арчихад хөлрөх нь багасаж, эвгүй үнэр арилна. Гутлаа байн байн салхинд тавьж, өдөр бүр хөлөө угааж байх нь зайлшгүй шаардлагатай.
Нуруу, суга хөлөрдөг бол
Суга хөлөрдөг бол бариу палааж, цамц өмсөх хэрэггүй. Өдөр бүр бүсэлхийгээ хүртэл савантай хүйтэн усаар угааж хоолны цуу юм уу өндөгний шар, хурган чихний үндэсний ханд, царсны холтосны чанамлаар арчихыг зөвлөж байна.
Хөлрөмтгий хүн юу анхаарах ёстой вэ?
Хамгийн гол нь амьдралын зөв хэвшилтэй байх ёстой. Хоногт 6-8 цаг заавал унтаж амрахаас гадна сэтгэл зүйн хувьд эрүүл байна. Бясалгал хийж өөрийгөө ариусгаж, хувийн ариун цэврийг сахих хэрэгтэй. Мөн биеийг сульдааж мэдрэлийн системд нөлөөлж байгаа цус багадалт, хоол тэжээлийн дутагдал зэрэг өвчнөө эмчлүүлэхэд санаа тавих нь зүйтэй.
Хулмасыг ямар аргаар арилгаж болох вэ?
Хулмасыг суганы булчирхайд байрлах өвөрмөц вирус үүсгэдэг. Энэ вирусыг бүрэн устгахгүйгээр үр дүнд хүрэхгүй нь мэдээж. Хулмас арилгадаг хоёр арга бий. Нэгд, суганы булчирхайг мэс заслын аргаар авах. Ингэснээр хүний дархлаа дарангуйлагддаг сөрөг нөлөөтэй. Харин хамгийн сайн арга нь рентген юм уу лазерын туяагаар шарж вирусыг нь устгах арга юм.
Б.Аззаяа
1
0
0
0
0
0
0
0
