Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Алдарт “Найзууд” цувралын Чендлр Бингийн дүрийг бүтээсэн жүжигчин Мэтью Перри 54 насандаа таалал төгссөн. Тус цувралын жүжигчид хоёр хоног чимээгүй байсны дараа түүнийг дурсаж, хамтарсан мэдэгдэл гаргасныг People сэтгүүл дамжууллаа. Олон нийт хамтран ажиллагсдынх нь мэдэгдлийг хүлээж байсан юм. Жүжигчин Матт Ли Бланк, Лиза Кудров, Дэвид Швиммер, Кортни Кокс, Женнифер Энистон нар “Маш хүнд гарз бидэнд тохиож, нэг хэсгийг маань авч одлоо. Бид зүгээр ч нэг хамт ажилладаг хүмүүс байгаагүй, бид нэг гэр бүл байсан юм. Хэлэх үг олон байгаа ч энэ хэсэг хугацааг бид Мэтьюгийн төлөө эмгэнэж, гашуудахдаа зарцуулах шаардлагатай байна” гэжээ.
Зургаан жүжигчин хамтдаа 1994-2004 оныг хүртэл 10 жил тус цувралд дүр бүтээсэн юм. Түүнчлэн “Найзууд” цувралын бүтээгчид болох Марта Кауфмэн, Дэвид Крэйн нар “Гүнээ харамсаж, шархалж байна” хэмээн эмгэнэл илэрхийлжээ. Харин түүний шүтэн бишрэгчид Нью-Йорк хот дахь тус цувралын зураг авалт хийсэн байрны гадаа цуглаж, жүжигчинд эмгэнэл илэрхийлсээр байгаа юм.
0
0
0
0
0
0
0
0
