Монгол Улсын арслан М.Мөнгөн агсаны нэрэмжит xүчит бөxийн барилдаан болно
“Qatar-2022” хөлбөмбөгийн ДАШТ-д аль улсын баг түрүүлэх бол. Энэ асуултын хариулт гарахад ердөө хоёрхон тоглолт үлдлээ. Хагас шигшээд шалгарсан Аргентин, Хорватын шигшээ багийн тоглолт өнгөрсөн шөнө боллоо.
Эл тоглолтод Л.Мессигээр манлайлуулсан Аргентины шигшээ өрсөлдөгчөө 3:0-ээр хожив. Тэднээс Ж.Альварес хоёр, Л.Месси нэг гоол оруулж, багаа хожилд хөтөллөө. Ингэснээр Аргентины шигшээ ДАШТ-ий финалд шалгарлаа.
ДАШТ-д тав дахь удаагаа оролцож буй Л.Месси дэлхийн аваргын 25 дахь тоглолтдоо оролцлоо. Ингэснээр Лоттар Маттеусын амжилттай зэрэгцэв. Одоо тэрбээр шигшээд өрсөлдөхөд шинэ дээд амжилт тогтооно. Мөн Л.Месси дэлхийн аваргад 11 дэх гоолоо оруулснаар Аргентины шигшээ багийнхаа бүх цаг үеийн мэргэн бууч боллоо.
Өнөө шөнө Франц, Мороккогийн шигшээ ДАШТ-ий хагас шигшээд өрсөлдөнө. Тэдний аль хожсон нь Аргентины шигшээтэй дэлхийн аварга болох, “Алтан дагина” өргөхийн төлөө тоглоно.
0
0
0
0
0
0
0
0
