Марвелд олон шинэ дүрээдээс гадна икс хүмүүс нэгдэнэ
Aljazeera, Bloomberg тэргүүтэй томоохон хэвлэлүүд Монголд болж байгаа жагсаалыг мэдээлж эхэллээ. Тодруулбал, нүүрсний хулгайн хэрэг Монгол улс дахь авлига, эдийн засгийн нөхцөл байдлыг ил тод харуулж байна гэж үзэж, иргэд бухимдаж эхэлсэн талаар бичсэн байна. Гадны хэвлэлүүд Монголд гадаа 26 хэмийн хүйтэн байгааг үл ажран жагсагчид, ялангуяа залуучууд эрх баригчдаас “шударга ёс” шаардаж байгааг онцолжээ. Иргэд “улс эх орон маань сөнөж байна” гэсэн уриа лоозон барьж жагсав. Зарим нь хөдөө орон нутгаас зорьж иржээ” хэмээн Aljazeera мэдээлж байна.
Түүнчлэн “Каритас Чех Репаблик” ТББ-ын Монгол дахь суурин төлөөлөгч Яна Жилкова Монголын иргэд эдийн засгийн хувьд “үнэхээр туйлдаж байгаа”-г хэлжээ. Тэрээр мөн ард иргэд баялгаа хүртэх боломжтой байсан талаар хуваалцсан байна.
Ийнхүү Ням гарагаас хойш үргэлжилсэн жагсаалын үйл явцыг гадны хэвлэлүүд мэдээлж байна. Ингэхдээ тэд хаврын “Ажлаа хий” жагсаал, ерөнхийлөгч У.Хүрэлсүхийн кабинет 2021 онд огцорсон тухай хүртэл дурджээ.
Эх сурвалж: AL JAZEERA
0
0
0
0
0
0
0
0
