Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Улсын Их Хурлаас “Төсөв-2023” олон нийтийн нээлттэй хэлэлцүүлгийг аравдугаар сарын 19-ний өдөр буюу ирэх лхагва гарагт Төрийн ордонд зохион байгуулна.
Тус өдөр иргэдээс ирүүлсэн санал, асуултыг нэгтгэн танилцуулж, “Төсвийн ил тод байдал”, “Халамжаас хөдөлмөрт”, “Тогтвортой эдийн засаг”, “Боомтын сэргэлт” гэсэн дөрвөн салбар хэлэлцүүлэг болно.
Монгол Улсын 2023 оны нэгдсэн төсвийн төсөлд иргэдийн саналыг “D-Parliament” цахим хуудас, [email protected] мэйл хаягаар болон 51-262727 утсаар аравдугаар сарын 17-ны өдрийг хүртэл хүлээн авч байна.
Өнөөдрийн 10.00 цагийн байдлаар 7,520 иргэн Монгол Улсын 2023 оны нэгдсэн төсвийн төсөлтэй танилцаж, 382 иргэн саналаа өгөөд байна.
Иргэдийн санал шүүмжлэл, бодит оролцоо, хяналтыг бий болгож, хамтдаа хуулиа санаачилдаг, төсвөө хэлэлцэн баталдаг болохын тулд цахим парламент буюу D-Parliament аппликейшнийг танилцуулаад байгаа билээ.
Иймд иргэн Та технологийн дэвшлийг ашиглан 2023 оны төсвийн төсөлд саналаа өгөөрэй. Монгол Улсын 2023 оны нэгдсэн төсвийн төсөлд санал авахад 3 хоног үлдээд байна.
Аравдугаар сарын 19-ний өдөр зохион байгуулагдах “Төсөв-2023” олон нийтийн нээлттэй хэлэлцүүлгийг Монгол Улсын Их Хурлын дарга Г.Занданшатар, Монгол Улсын Ерөнхий сайд Л.Оюун-Эрдэнэ нар нээх бөгөөд төрийн болон төрийн бус байгууллага, мөн олон улсын байгууллагуудын нийт 800 гаруй төлөөлөл танхимаар болон цахимаар оролцохоор бүртгүүлээд байна.
Та дараах заавар, зөвлөмжийн дагуу төсвийн төсөлд саналаа өгөөрэй.
0
0
0
0
0
0
0
0
