Шилдгүүдээ нэрлэсэн сагсан бөмбөгийн эмэгтэй дээд лигийн “сонин хачин”
Чөлөөт бөхийн насанд хүрэгчдийн ДАШТ Сербийн нийслэл Белград хотод үргэлжилж байна. Өнөөдөр дэлхийн дэвжээнд Монголын хоёр бөх алтан медалийн төлөө барилдана.
Эгтэйчүүдийн 50 кг-ын жинд барилдаж буй ОУХМ Долгоржавын Отгонжаргал хагас шигшээд Токиогийн олимпын хүрэл, ДАШТ-ий хошой мөнгөн медальт, Пан Америкийн зургаан удаагийн аварга, дэлхийн чансааг тэргүүлж буй АНУ-ын Сара Хильдебрандыг 6:2-оор яллаа. Ингэснээр өнгөрсөн жил хүрэл медаль хүртсэн амжилтаа ахиулах нь тодорхой болов. Д.Отгонжаргал өнөөдөр алтан медалийн төлөө “Токио-2020” олимп, “Парис-2017”, “Будапешт-2018” ДАШТ-ий алтан медальт, Японы алдарт бөх Юи Сүсакитай хүч сорино.
Эмэгтэйчүүдийн 53 кг-ын жинд зодоглож буй үндэсний шигшээ баг, “Аврагч” спорт хорооны тамирчин, ОУХМ Батхуягийн Хулан хагас шигшээд Европын аварга, Шведийн Эмма Малмгреныг цэвэр яллаа. Тэрбээр 6:2-оор дийлдэж яваад цэвэр дараад ялсан юм. ДАШТ-д анх удаа барилдаж буй Б.Хулан өнөөдөр дэлхийн аваргын төлөө АНУ-ын Доминик Парриштай өрсөлдөнө.
Гэрэл зургийг Д.Нямбилэг.
0
0
0
0
0
0
0
0
