1072 ногдол ашгийн үлдэгдэл хэрхэн хүлээн авах санал асуулга эхэллээ
Шинэ Монгол Эрдмийн хүрээлэнгийн Ерөнхийлөгч Ж.Галбадрах авлигын асуудал дээр өөрийн байр суурийг хуваалцлаа. Тэрээр “Зөв шударга байх асуудал бол үнэхээр чухал. Тэгэхээр боловсролыг яаж өөрчлөх вэ гэвэл хөтөлбөрт нь оруулах ёстой. Тэгээд манайх иргэний боловсрол гэдэг нэг хичээлээ Монгол ёс заншил, ёс суртахуун болгосон. Энэ мэтчилэн хөтөлбөрт нь оруулж, сургаж байж зөв сайн иргэн болно. Өнөөдөр Монгол улсад ёс суртахууны доройтолд орчихсон, ёс зүйгүй үйлдэл хийдэг, ямар ч төлөвшил хандлага байхгүй, цөмөөрөө сөрөг болчихсон. Энэ бүгд чинь ерөөсөө л боловсролоор дамжиж, тэр дотроо ерөнхий боловсрол, сургуулийн өмнөх боловсролд маш сайн хийгдэж байж л ирээдүй маань гарч ирнэ. Тэгэхээр үүнийг урт хугацаанд бодох ёстой. Олон жилийн дараа гарах үр дүн гэдэг утгаар нь бодож хийх нь их чухал байгаа юм. Тийм учраас зүрх сэтгэлийн боловсрол гэдгийг сургууль бүр оруулж өгөх ёстой. Зөвхөн хичээл номоор заахгүй. Үүнийг хичээлээс гадуурх хөтөлбөрүүд гээд амьдрах ухаан, төлөвшил хандлага олгох ийм хөтөлбөрүүд гарч ирэх ёстой. Зөв сайн иргэн хүн. Тэгээд ч хүн болгон бүгдээрээ математикч болохгүй гэдэг. Хүн болгон эцэг эх болно. Тэгвэл тэр эцэг эх болохоос эхлээд зөв сайн иргэн хүн болох талаас нь маш сайн хэлэхгүй бол өнөөдрийн энэ Монголын нийгмийн доройтол, арчаагүй байдлууд чинь яг энэ ухамсартай, илүүчлэх хандлагатай л холбоотой гараад байгаа юм. Боловсрол гэдэг чинь зөвхөн дүнгээр хэмжигддэг зүйл биш учраас ийм зүйлээс эхлээд худлаа дүн аваад явчихдаг, төгсөөгүй сургуулиа төгссөн болгоод явчихна гэдэг бол их ноцтой асуудал. Энэ дээр хяналт шалгалт их хүчтэй байх ёстой. Иймд багш нар өөрсдөө их сайн тэмцэж эхлэх ёстой. Багш хүн гэдэг чинь өөрөө хамгийн үлгэрлэгч байдаг. Би сургуулийнхаа багш нарт хэлдэг. Та нар бол зөвхөн нэг судлагдахууны багш биш шүү. Та бол хүний багш шүү. Сургууль таны зүгээр нэг асуудал. Физикийн багш физикээ заагаад л өнгөрнө гэвэл та зүгээр физикийн мэдлэг олгоод л дуусна. Гэтэл цаана нь хүнээр хүн хийх гэж байгаа, үүнийг багш нар та нар хийнэ шүү. Энэ дотор хамгийн гол нь үлгэрлэнэ. Тэгээд үлгэрлэх дотроо чигч шударга байж, аливаа юманд шударга төв үзэлтэй байх гэдгийг багш өөрөө энэ зарчмыг л хүүхдүүдэд их сайн үзүүлж харуулах ёстой гэж захидаг” гэлээ.
0
0
0
0
0
0
0
0
