1072 ногдол ашгийн үлдэгдэл хэрхэн хүлээн авах санал асуулга эхэллээ
Коронавирусийн халдварын улмаас Замын-Үүд, Эрээний хилийг түр хугацаагаар хаан, хөл хорио тогтоолоо. Одоогоор хэдэн хоног хөл хорио тогтоох нь тодорхойгүй байна.
Бид энэ асуудлаар ХЗДХ-ийн сайд Х.Нямбаатараас тодрууллаа. Тэрээр Замын-Үүд, Гашуунсухайт боомтын экспорт, импортыг зохицуулах үүрэг бүхий ажлын багийг ахалж буй.
ХЗДХ-ийн сайд Х.Нямбаатар “Аравдугаар сарын 13-нд БНХАУ-ын талаас Монголын хил хамгаалах ерөнхий газарт албан бичиг ирүүлсэн. БНХАУ-ын талаас нүүрс тээврийн жолоочоос коронавирус илэрсэн учраас тодорхойгүй хугацаагаар хил хааж байна гэдэг мэдэгдэл хүргүүлсэн. Замын-Үүд сумын авто замын шалган нэвтрүүлэх боомтын экспорт талын хөдөлгөөнийг тодорхойгүй хугацаагаар зогсоосон. Үүнийг албан бусаар тодруулж үзэхэд БНХАУ-ын дундын тээвэрт нүүрс тээвэрлэдэг нэг хятад жолоочоос коронавирусийн халдвар илэрсэн гэдэг үндэслэл хэлж байна. Монголын талаас коронавирусээс хамгаалах ариутгалын хаалга зэрэг шаардлагатай ажлуудыг хийсэн. Бид энэ асуудлаар БНХАУ-ын талаас ахин тодруулж байна” гэдэг хариуг өглөө.
0
0
0
0
0
0
0
0
