Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Цар тахлын үед хариу арга хэмжээ авах нийгмийн хамгааллын төслийн хүрээнд туршилтын хөтөлбөр хэрэгжүүлнэ.
Хөдөлмөр, нийгмийн хамгааллын яам Азийн хөгжлийн банкны санхүүжилтээр “Цар тахлын үед хариу арга хэмжээ авах нийгмийн хамгааллын төсөл-2”-ийн хэрэгжилтийн талаар төслийн багийнхантай уулзалт зохион байгууллаа.
Монгол Улсын засгийн газраас хэрэгжүүлж байгаа хүүхдийн мөнгөн тэтгэмжид дэмжлэг үзүүлэх, нийгмийн халамжийн хөтөлбөр, системийг бэхжүүлэх зорилготой энэхүү хөтөлбөрийн нэг том арга хэмжээ нь Төгсөлтийн туршилтын хөтөлбөр юм.
Төгсөлтийн туршилтын хөтөлбөрийн хүрээнд мөнгөн дэмжлэг авч буй зорилтот өрхийн 16-55 насны 1,520 хүнийг эдийн засгийн оролцоотой болгох, амьжиргааг нь дэмжих, төрөлжүүлэх, ядуурлыг бууруулахад чиглэсэн цогц дэмжлэг үзүүлнэ. Туршилтын төслийг зорилтот бүлгийн өрхүүдийн төвлөрөл ихтэй Баянзүрх, Чингэлтэй, Сонгинохайрхан дүүрэгт 18-36 сарын хугацаанд хэрэгжүүлэх юм.
Уулзалтад Хөдөлмөр нийгмийн хамгааллын сайд А.Ариунзаяа, Азийн хөгжлийн банкны Монгол Улсад суугаа суурин төлөөлөгч Павит Рамачандран, Азийн хөгжлийн банкны Зүүн хойд азийн хотжилт болон нийгмийн хэргийн хэлтсийн дарга Асиф Чирна, Хөдөлмөр, халамжийн үйлчилгээний ерөнхий газрын дарга Л.Дашдэмбэрэл болон албаны бусад хүмүүс оролцлоо.
Энэ үеэр Хөдөлмөр, халамжийн үйлчилгээний ерөнхий газрын дарга Л.Дашдэмбэрэл, Төгсөлтийн аргачлалыг ашиглан сонгогдсон дүүргийн зорилтот бүлэгт хэрэгжүүлж буй төслийн явцын мэдээлэл, саналаа тухай бүр өгч ажиллана” гэдгээ илэрхийллээ.
Эх сурвалж: Хөдөлмөр, халамжийн үйлчилгээний ерөнхий газар
0
0
0
0
0
0
0
0
