Монгол Улсын арслан М.Мөнгөн агсаны нэрэмжит xүчит бөxийн барилдаан болно
“ТОКИО-2020” зуны XXXII дахь удаагийн олимпын наадмын боксын тэмцээн сүмо бөхийн Кокүгикан ордонд явагдаж байна.
Э.Цэндбаатар эхний тойрогт Африкийн аварга, Африкийн наадмын хүрэл медальт, Кенийн Николас Окоттой таарч, 3:2 харьцаатай ялалт байгуулсан.
Өчигдөр хоёрдугаар тойрогт Э.Цэндбаатар Вьетнамын Нгуен ван Дуонгтой тулалдлаа. Нгуен эхний тойрогт Азербайжаны Алиевийг ялсан юм. Түүний өрсөлдөгч 2019 оны Зүүн Өмнөд Азийн наадмын мөнгөн медальт боксчин. 2019, 2020 онуудад Вьетнамын аварга болсон. 2020 оны Вьетнамын шилдэг тамирчны шагналд хөлбөмбөгч Нгуен Ван Куитийн дараа хоёрт орсон тамирчин.
Шүүгчдийн оноо өгсөн байдал:
- Нэгдүгээр үе: Нгуен ван Дуон 1-4 Э.Цэндбаатар
- Хоёрдугаар үе: Нгуен ван Дуон 0-5 Э.Цэндбаатар
- Гуравдугаар үе: Нгуен ван Дуон 0-5 Э.Цэндбаатар
МУГТ Э.Цэндбаатар ирэх наймдугаар сарын 1-ний өдөр Оросын тамирчин Алберт Батыргазиевтай тулалдана. Ялсан нь хагас шигшээд шалгарна.
Э.Цэндбаатарын Вьетнамын боксчин Нгуен ван Дуонгтой хийсэн тулааны гэрэл зургуудыг хүргэе.
Гэрэл зургийг МҮОХ
0
0
0
0
0
0
0
0
