Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Сагс тоглож байгаад цагдаад баривчлагдаж буй залуусын бичлэг өчигдөр шөнө 01:00 цагийн үед цахим сүлжээнд тавигдсан. Болсон үйл явдлын талаар Цагдаагийн ерөнхий газрын Хэвлэл мэдээллийн төвийн дарга Б.Баатархүүгээс тодрууллаа.
Тэрбээр "Цагдаагийн байгууллагаас шалтгаангүйгээр нэг ч иргэнийг торгосон, баривчилсан, хүний эрхэд халдсан тохиолдол байхгүй. Өчигдөр Чингэлтэй дүүргийн Баянбүрдийн тойрог, 50 дугаар сургуулийн урд байрлах тоглоомын талбайд шөнийн цагаар иргэдийн амар тайван байдал алдагдуулж, чимээ шуугиан их гаргаж байна гэсэн иргэний гомдол мэдээлэл цагдаагийн байгууллагад ирсэн. Дуудлага мэдээллийн дагуу цагдаагийн албан хаагчдыг очиход хэсэг залуус сагс тоглож байсан. Цагдаагийн албан хаагч очихоос өмнө иргэн шаардлага тавихад "Чамд бид нарын тоглох эсэх хамаагүй" хэмээн үгээр доромжилсон учир тухайн иргэн лайв хийсэн гэсэн. Ингээд цагдаагийн байгууллагаас очиж "Зөрчлийн хуулийн дагуу 22:00 цагаас хойш та нар чимээ шуугиан гаргаж олон нийтийн амгалан тайван байдал алдагдуулж болохгүй. Одоо тар" гэж шаардлага тавихад тэдгээр залуус хүлээж аваагүй.
Зөрчлийн тухай хуулийн хүрээнд хариуцлага хүлээх иргэн нь 16 нас хүрсэн буюу эрх зүйн чадамжтай этгээд байхыг заадаг. Тиймээс тухайн эсэргүүцэл үзүүлсэн залуусыг баривчилсан. Зөрчлийн тухай хуулийн 5.5 дугаар зүйлд, нийтийн зориулалттай орон сууцанд шөнийн цагаар бусад оршин суугчдын амгалан тайван байдлыг алдагдуулсан бол хүнийг нэг зуун нэгжтэй тэнцэх хэмжээний төгрөгөөр буюу 100 мянган төгрөгөөр, хуулийн этгээдийг нэг мянган нэгжтэй тэнцэх хэмжээний буюу нэг сая төгрөгөөр тус тус торгоно хэмээн заасан байдаг.
Хэдийгээр иргэд өөрийн хувь эзэмшлийн орон сууцдаа чөлөөтэй байх эрхтэй ч бусад оршин суугчдынхаа ч эрх ашгийг хүндэтгэх үүргийг давхар хүлээдэг учраас л энэ хуулийн заалт хэрэгжиж байгааг анхаарах хэрэгтэй" гэлээ.
0
0
0
0
0
0
0
0
