Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Коронавирусийн эсрэг дархлаажуулалтад улсын хэмжээнд 2 сая 60 мянган иргэнийг хамруулахаар төлөвлөсөн. Үүнээс өнөөдрийн /2021.05.19/ байдлаар I тунг 1.802.270 иргэн, II тунг 666.287 хийлгэсэн хэмээн эрүүл мэндийн яамнаас мэдээлсэн билээ.
Вакцины бүрэн тунд хийлгэсэн иргэдэд 14-21 хоногт дархлаа тогтоно хэмээн мэргэжлийн хүмүүс мэдээлж байгаа. Манай улсын хувьд өчигдрийн байдлаар дархлаажуулалтын хоёр дахь тунг хийлгэсэн 2160 иргэн коронавирусийн халдвар авчээ.
Халдвар авсан хүмүүсийг судлаад үзэхэд:
- 92 хувь нь хоёр дахь тунг хийлгэснээс хойш 14 хоног дотор
- 8 хувь нь 14-21 хоног дотор халдвар авчээ.
Вакцин хийлгэснээс хойш 21-ээс дээш хоносон иргэнээс халдвар илэрсэн тохиолдол бүртгэгдээгүй байна.
Коронавирусийн эсрэг вакцины хоёр тунг хийлгэсэн ч 21 хоногоос дээш хугацаанд дархлаа тогтоно. Иймд амны хаалт зүүх, гараа тогтмол угаах, олон нийтийн газраар аль болох явахгүй байх, хүн хоорондын зай барих зэрэг халдвар хамгааллын уламжлалт дэглэмийг үргэлжлүүлэн сахихыг эмч, мэргэжилтнүүд анхааруулсаар байна.
Вакцины хоёр тунг хийлгэж, хэдийгээр танд дархлаа тогтсон байж болох ч халдвартай хүнтэй хавьтал болбол дархлаагүй нэгэнд халдвар дамжуулагч болох эрсдэл байгаа тул халдвар хамгааллын дэглэмийг үргэлжлүүлэн сахихыг сануулсаар буй билээ.
0
0
0
0
0
0
0
0
