Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
93 дахь удаагийн Оскар наадмын шилдгүүд тодорсоор байна.
Кино урлагийн хамгийн нэр хүндтэй уг наадмын шилдэг киноны төрөлд "Nomadland" шалгарав. Уг киног найруулсан Клое Зао мөн шилдэг найруулагчийн шагналыг хүртсэн анхны Ази эмэгтэй найруулагч боллоо.
Мөн Фрэнсис МакДорманд тус кинонд бүтээсэн дүрээрээ Шилдэг гол дүрийн шагналыг гардан авлаа.
Харин шилдэг эрэгтэй гол дүрийн шагналыг "The Father" киногоороо жүжигчин Энтони Хопкинс хүртэж байна. Ингэснээр тэрбээр шилдэг гол дүрийн шагналыг хамгийн өндөр насандаа авч буй уран бүтээлч боллоо.
Оскар нь 24 төрөлд шагнал олгодог ёслол юм. Шагнал гардуулах ёслол Covid-19 цар тахлын улмаас шинэчилсэн хэлбэрээр хэд хэдэн газар нэгэн зэрэг явагдаж байгаа аж.
"Оскар" наадмын шилдгүүдтэй танилцана уу.
“Шилдэг эх зохиол”
“Promising Young Woman”, найруулагч Эмиральд Феннел
“Гадаадын шилдэг уран сайхны кино”
Данийн кино найруулагч Томас Винтенбергийн “Druk” кино энэхүү шагналын эзэн болжээ. Энэ кинонд төрсөн цагаасаа хойш хүмүүсийн цусанд согтууруулах ундаа дутагддаг гэсэн онолыг туршиж үзэхээр шийдсэн бүлэг найзуудын тухай өгүүлдэг.
“Шилдэг туслах эрэгтэй дүр”
Их Британийн жүжигчин Даниэл Калуя “Judas And The Black Messiah” кинонд бүтээсэн дүрээрээ Оскарын шагнал хүртлээ.
“Шилдэг эмэгтэй туслах дүр"
Өмнөд Солонгосын жүжигчин Юн Ё Жон "Minari" киноны дүрээрээ 93 дахь удаагийн Оскарын кино наадмын "Шилдэг эмэгтэй туслах дүр"-ийн шагналын эзэн боллоо. Ийнхүү анх удаа Солонгос жүжигчин тус наадамд тэргүүлж байна. Тэрбээр энэ сард мөн "British Academy of Film and Television Arts" наадмын "Шилдэг эмэгтэй туслах дүр"-ийн шагнал хүртсэн байна.
“Шилдэг найруулагч”
Оскарын хамгийн гол шагналын нэг "Шилдэг найруулагч"-ийн шагналыг ази гаралтай эмэгтэй найруулагч Хлоя Жао "Nomadland" киногоороо хүртэж байна. Нийт зургаан төрөлд нэр дэвшсэн энэхүү бүтээлд эдийн засгийн хямралын үеэр байдаг бүхнээ алдсаны улмаас бүхээгтэй машинтайгаа Баруун Америкаар аялж буй 60-аад насны эмэгтэйн тухай өгүүлжээ.
“Шилдэг анимейшн”
Оскарын Шилдэг анимейшны шагналыг "Soul" анимейшн хүртлээ. Уг анимейшны найруулагчаар Оскарын хоёр удаагийн шагналт найруулагч Пит Доктер болон Кемп Пауэрс нар ажиллажээ.
“Шилдэг баримтат кино”
Найруулагч Пиппа Эрлих, Жеймс Рид нарын “My octopus teacher” баримтат кино.
“Шилдэг богино хэмжээний кино”
Найруулагч Трэвон Фри, Мартин Десмонд нарын цагдаа нарын гарт өнгөт арьст иргэн амиа алдсан тухай өгүүлэх “Two Distant Strangers” кино шалгарчээ.
0
0
0
0
0
0
0
0
