Монгол Улсын арслан М.Мөнгөн агсаны нэрэмжит xүчит бөxийн барилдаан болно
Олон улсын жүдо бөхийн холбооноос зохион байгуулсан олимпийн эрхийн оноо олгох Тбилисийн Гранд Слам буюу"IJF" тэмцээнд оролцсон Монголын баг тамирчид дөрөвдүгээр сарын 9-ний өдөр эх орондоо иржээ.
Дөрвөн дасгалжуулагч, 13 тамирчны бүрэлдэхүүнтэй Гүржийг зорьсон Монголын баг тамирчид гуравдугаар сарын 26-28-ны өдрүүдэд Тбилисийн Гранд Сламд оролцон үргэлжлүүлээд Гүрж улсад бэлтгэлд гарсан. Ийнхүү бэлтгэлээ хангаад дөрөвдүгээр сарын 6-9-ний өдрүүдэд Киргизстан улсын Бишкек хотноо зохион байгуулсан Ази-Номхон далайн орнуудын аваргад оролцохоор очсон ч Монголын таван тамирчнаас Сovid-19-ийн халдвар илэрч, багаараа оролцох боломжгүй болсон юм.
Саид Моллаей Монголын багтай Гүржид хамт бэлтгэл хийгээгүй учир ганцаараа Ази-Номхон далайн тэмцээнд оролцож хүрэл медаль хүртсэн. Тэрээр Токиогийн олимп хүртэл Израил улсад бэлтгэл хийх төлөвлөгөөтэй байгаа.
Халдвар авсан Монголын жүдочид дөрөвдүгээр сарын 9-ний өдөр эх орондоо ирж, 14 хоногийн тусгаарлалтанд орсон тухай албаны хүмүүс мэдээлж байна. Тэд тусгаарлалтаа дуусгаад эргэн бэлтгэлдээ гарна. Учир нь тэд тавдугаар сарын 5-7-ны өдрүүдэд зохион байгуулагдах Казаны Гранд Сламыг зорино.
0
0
0
0
0
0
0
0
