Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Нийслэлийн Агаарын бохирдолтой тэмцэх газрын Агаарын чанар, хяналт, зохион байгуулалтын хэлтсийн дарга Г.Даваажаргал, Нийслэлийн Мэргэжлийн хяналтын газрын Эрүүл мэнд, боловсрол, соёлын хяналтын хэлтсийн дарга Д.Цэнд-Аюуш нар өнөөдөр цаг үеийн асуудлаар мэдээлэл өглөө.
Энэ сарын 1-13-ны өдрүүдэд агаарын чанарын хэмжилт хийж өнгөрсөн оны мөн энэ үетэй харьцуулахад PM 2.5 /Үүнийг уушгинд нэвтэрдэг тоосонцор гэдэг.Энэ тоосонцор нь их хэмжээний хорт бодис агуулахаас гадна агаарт урт хугацааны туршид тогтож хол нүүдэллэдэг учраас амьсгалын замаар дамжин уушгины агаарын солилцоонд сөрөг нөлөө үзүүлдэг бөгөөд бронхит, астма үүсгэхээс гадна зүрх судас болон цусны эргэлтийн тогтолцооны өвчний гол шалтгаан болдог/, PM10 /Үүнийг амьсгалыг дагаж ордог тоосонцор гэж нэрлэдэг байна. Тус тоосонцор нь агаарт урт хугацааны туршид дэгдэмхий байдлаар орших чадвартай бөгөөд хүний биед амьсгалын замаар нэвтэрч өвчин үүсгэнэ/ хэмжээтэй тоосонцор 30 хувиар буурсан үзүүлэлт гарчээ. Галлагааны улирал эхэлсэнтэй холбогдуулан нийслэлийн Агаарын бохирдолтой тэмцэх газар, “Тавантолгой түлш” компани, дүүрэг хороодын Засаг дарга нар хамтран угаарын хийнээс урьдчилан сэргийлэх чиглэлээр ажиллаж байна.
Мөн Нийслэлийн Засаг даргын захирамжийн дагуу нийслэлд 3 өдөр архи, согтууруулах ундаагаар үйлчлэхийг хориглосон юм. Нийслэлийн Мэргэжлийн хяналтын газар, Цагдаагийн удирдах газар хамтран дээрх захирамжийн хэрэгжилтэд хяналт тавьж буй бөгөөд өнөөдрийн байдлаар архи, согтууруулах ундаа худалдаалсан, түүгээр үйлчилсэн зөрчил илрээгүй байна.
Энэ талаар Мэргэжлийн хяналтын газрын Эрүүл мэнд, боловсрол, соёлын хяналтын хэлтсийн дарга Д.Цэнд-Аюуш, “Нийслэлийн 9 дүүргийн хэмжээнд архи, согтууруулах ундаа худалдаалдаг 3,657, түүгээр үйлчилдэг 847 нийт 4 мянга 504 ААН байгууллагад хяналт тавин ажиллалаа. Мөн зах, худалдааны төв болон бусад барааны, техникийн зах зэрэг 980 аж ахуйн нэгж байгууллагад захирамж хүргүүлэн, биелэлтийг хангууллаа. Нийслэлийн 9 дүүргийн нийт худалдаа, үйлчилгээний нийт 5 мянга 484 ААН байгууллагад хяналт тавьж ажиллалаа. Сонгуулийн өдрүүдэд архи, согтууруулах ундаа худалдаалсан, түүгээр үйлчилсэн зөрчил илрээгүй байна” гэлээ.
0
0
0
0
0
0
0
0
