Д.Сүхбаатарын талбайн зүүн, баруун талын авто замын хөдөлгөөнийг түр хаана
Олон улсын математикийн 61-р олимпиадад "Шинэ Монгол" сургуулийн сурагч О. Мишээл алтан медаль хүртлээ. Энэ удаагийн Олон улсын математикийн олимпиад /IMO/-ыг корона вирусын улмаас цахимаар авсан юм. IMO-д 105 орчим улсаас 610 гаруй сурагчид оржээ.
Тэрээр, “Яг олимпиадад орохын өмнө гэр бүлтэйгээ хамт байж байгаад орохоор сэтгэл зүйн хувьд маш сайн дэмжлэг болдог юм билээ. Гэр бүлийнхэн болон сургуулийн захиргаа, багш нар намайг маш их дэмжиж байсан. Бэлтгэлээ тасралтгүй хийхэд хичээлээс чөлөөлнө. Мөн гадаад улс руу олимпиадад оролцохоор явахад нислэгийн төлбөр гэх мэт зүйлс дээр дэмжлэг үзүүлдэг. Миний хувьд нэгдүгээр ангиасаа Математикийн олимпиадад орж эхэлсэн. Олон улсын математикийн олимпиад /IMO/-д өмнө нь хоёр удаа орж байсан. Тэгээд хоёуланд нь хүрэл авч байсан. Харин IMC гээд бага болон дунд ангийнхны дунд зохиодог олимпиад бий. Үүнд дунд ангийн төрөлд нь ороод мөнгө, хүрэл медаль авч байсан. Бага ангийн төрөлд нь ороод алт, хүрэл тэгээд тусгай байр авч байсан. Би математикийн хичээлдээ их дуртай. Бодлогоо бодоод чадчихвал стресс тайлагддаг. Харин чадахгүй бол бодлогоо хараад л бүр стресст ордог.
Би Шинэ Монгол сургуульд 6-р ангиасаа шилжиж ирсэн. Ирсэн цагаас хойш олимпиадад орохдоо н.Алтангэрэл багшаараа бэлдүүлдэг. Багш маань хичээлээ их ойлгомжтой, шат дараатай зааж ойлгуулдаг. Заасан хичээлийг нь хүн болгон ойлгохоор тийм ойлгомжтой заах аргатай.
Олимпиадад бэлдэхдээ өдөрт өөртөө цаг зааж, хориг тавихаас илүү аль болох өөрийгөө чөлөөтэй байлгаад өөрийнхөө чөлөөтэй нөхцөлд бэлтгэлээ хангах нь надад үр дүнтэй санагддаг. Өөрөөр хэлбэл өөрийгөө шахахаас илүү аль болох чөлөөтэй байх гэж оролддог. Удахгүй би дунд сургуулиа төгсөнө. Тиймээс төгсөөд орох их сургуулиа судалж байгаа. Саяын хугацаанд олимпиадад орох гээд бусад хичээлээсээ чөлөө аваад хоцорчихсон байгаа. Хоцорсон хичээлүүдээ гүйцээж авах зорилготой байна” гэв.
0
0
0
0
0
0
0
0
