Замын-Үүдийн авто замын боомтын ачаа тээврийн хэсэг уртасгасан цагаар ажиллана
Аймгийн Засаг дарга С.Мөнхчулуун 2026 оныг “Эрүүл мэнд, боловсролыг дэмжих жил” болгон зарлаж, “Оюунлаг Дундговь” дэд хөтөлбөр, “1 сургууль – 10 клуб” хөтөлбөр, Математик, байгалийн ухаан, англи хэлний төсөл, мөн сургуулийн өмнөх боловсролд STEAM хөтөлбөрийг хэрэгжүүлэн ажиллаж байгаа юм.
STEAM хэрэглэгдэхүүн нь хүүхдийн бүтээлч сэтгэлгээ, шинжлэх ухаан, технологи, инженерчлэл, урлаг, математик сэтгэлгээг хөгжүүлэхийн зэрэгцээ ёс заншил, өв уламжлалыг судлах чиглэлээр суралцах орчныг бүрдүүлэхэд чухал ач холбогдолтой. Иймд цэцэрлэгийн сургалтын хөтөлбөрийг баяжуулах, багш нарын арга зүйг дэмжих зорилгоор аймгийн хэмжээнд 20 цэцэрлэгт 385,993,935 төгрөгийн санхүүжилттэй энэхүү хөтөлбөрийг хэрэгжүүлэн ажиллаж байна.
Цэцэрлэг тус бүрт 20 хайрцаг STEAM хэрэглэгдэхүүн (нийт 10420 деталь), 4 ширхэг үзүүлэн самбар нийлүүлэгдсэн бөгөөд нийтдээ 400 хайрцаг STEAM хэрэглэгдэхүүн, 80 ширхэг үзүүлэн самбар хүлээлгэн өглөө.
STEAM хөтөлбөрийг санаачлан хэрэгжүүлснээр сургуулийн өмнөх боловсролын чанарт инновац нэвтрүүлж, бага насны хүүхдийн танин мэдэхүйн үйл ажиллагааг дэмжин, шинжлэх ухаан, инженерчлэл, технологийн мэдлэгээ хөгжүүлэх, багаар ажиллах, асуудал шийдвэрлэх чадварыг төлөвшүүлэх боломж бүрдэж байна.
0
0
0
0
0
0
0
0
