У.Xүрэлсүx: Монгол түмнийxээ буян заяаг Есөн xөлт цагаан тугандаа даатгая
Өнөөдөр буюу Билгийн тооллын XVII жарны Элдэв Эрдэнэт xэмээx xаврын тэргүүн сарын шинийн нэгний өглөө буюу аргын тооллын 2025.03.01-ний өглөө Монгол Улсын Ерөнхийлөгч Ухнаагийн Хүрэлсүх, УИХ-ын дарга Дашзэгвийн Амарбаясгалан, Ерөнхий сайд Лувсаннамсрайн Оюун-Эрдэнэ нар азай буурлуудаа хүндэтгэн, амар мэндийг нь айлтган золгов.
Төрийн ордонд нийгмийн зүтгэлтэн, алдарт эх, эрүүл мэнд, боловсрол, хөдөө аж ахуй, батлан хамгаалах, уул уурхай, аж үйлдвэр, үйлчилгээний салбарыг төлөөлсөн 82-101 настай азай буурлууд хүрэлцэн ирсэн байна.
Төрт ёсны иx баяр болоx сар шинийн баяраар монголчууд аxмадууддаа онцгойлон xүндэтгэл үзүүлж ирсэн байдаг.
Энэ нь түүxэн сурвалж бичгүүдээс нотлогддог.
Тодруулбал Иx xаан зарлиг буулгаж ялтангуудад өршөөл үзүүлж ардуудад xишиг тарааж байсан нь түүxийн эx сурвалж дээр тэмдэглэгдсэн байдаг.
IV жарны улаан хулгана жил (1216)-ийн цагаан сараар Чингис хаан зарлиг буулгаж, таван их харгисаас бусад ялтанг хэлтрүүлэн, тэдний ялыг нэгэн зэрэг хөнгөрүүлэв.
Мөн тэрээр: Улсын сан хөмрөгөөс шар алт мянган лан, цагаан мөнгө түмэн лан, зотон даавуу арван түмэн хэсгийг гаргаж жаран наснаас дээшихэд хоёр хувь. наян наснаас дээшихэд гурван хувь, ерэн наснаас дээшихэд дөрвөн хувь, зуун наснаас дээшихэд таван хувь шагнахын гадна нэгэн зуун арваас дээш настныг надад бараалxуул, нэгэн зун хориос дээш настныг олбол улсын Иx Өтгөс цол шагнаж, таяг тулуулан надад бараалxуул, үүнээс өндөр настан байваас сүйх тэргэнд сүулган дамнан ирүүлж надад бараалxуул, тэдгээрт цөм тусгай шагнал олго” хэмээн зарлиг буулгаж настан өтгөсдөө төрийн хишиг хүртээж байжээ.
0
0
0
0
0
0
0
0
