“Булган СП Фалконс” баг Монголын дээд лигийн аваргын болзол хангалаа

Хөлбөмбөгийн спортыг орон нутагт хөгжүүлэх, хүүхэд залуусын сонирхлыг нэмэгдүүлэх зорилгоор Сэлэнгэпресс Фалконс клуб Булган аймагт хөлбөмбөгийн спортыг сурталчлах, сургалт явуулах, мэргэжлийн баг дасгалжуулагч бэлтгэх зорилгоор хамтран ажиллахаар санамж бичигт гарын үсэг зурж “Сэлэнгэпресс Фалконс” багийн нэрээ “Булган СП Фалконс” болгон өөрчлөн 2023 оноос тэмцээнүүддээ оролцож эхэлсэн.

Өнөөдөр Монголын Дээд Лиг гурван тойргийн системээр нийт 137 тоглолтыг хоёр дахь жилдээ амжилттай зохион байгуулж байна.

2023/2024 оны Монголын Дээд Лигийн аваргаар Артур Фэррэйра дасгалжуулагчтай Г.Дэлгэрдалай туслах дасгалжуулагчтай мөн М.Төгөлдөр ахлагчтай Булган СП Фалконс клуб нэг тойргийн өмнө аваргын болзлоо хангалаа.

Булган СП Фалконс клуб нь Монголын Дээд Лигийн аварга хэмээх хүндтэй цолыг эзэмшиж байгаа бөгөөд Азийн Хөлбөмбөгийн Холбооны Чэллэнж Лиг / AFC Challenge League хуучнаар AFC Cup/ тэмцээнд Монгол улсын хөлбөмбөгийн клубийг төлөөлж оролцохоор боллоо.