Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Лантуун дохио ТББ-ын Ид шидийн орон төв нь хүүхдүүдийг аюулгүй орчинд суралцуулж, боловсрол олгохоос гадна үнэ төлбөргүй сургалтад хамрагдуулдаг. Хүүхдүүд сургуулийнхаа номын санд ном уншихаар зай, талбай жижиг чөлөөтэй байж чаддаггүй бол Ид шидийн оронд найрсаг хамт олны дунд ном уншихад таатай байгаа тухайгаа хэлсэн юм.
Сурагч Б.Анхзаяа: Хүүхдүүдтэй эелдэг харьцдаг, хүмүүжилтэй болгодог, ер нь бол нээлттэй харьцдаг.
Сурагч М.Марал: Уншсан номоо дэвтэр дээр бичээд үзүүлэх эсвэл бариста эгчид ярьж өгсөн тохиолдолд шидэт сүү авч, ууж болдог.
Иргэн Б.Уранбилэг: Хоёр хүүхэдтэй. Хүүхдээ дэлгэцээс хол байлгах бас тохилог орчинд илүү олон хүүхэдтэй ном уншуулах гэж ирдэг. Манай гэр хотын төвд байдаг болохоор Ид шидийн орныг зорьж ирдэг. Амралтын өдөр л ирэхгүй бол бусад өдрүүдэд ирж амждаггүй. Өвлийн амралттай байгаа болохоор номын санд суух гэж энд ирсэн. Баянзүрх дүүрэгт хүүхдэд зориулсан номын сан хаана байгаа билээ гэж бодохоор энд хамаагүй тав тухтай, ирж үйлчлүүлэхэд тохиромжтой.
Н.Түвшинбаяр : Сайн байна уу. Намайг Н.Түвшинбаяр гэдэг. Би ном унших гэж номын санд ирдэг. Гэхдээ номоо уншчихаад шууд тоглодог. Гадаа эсвэл утсаар тоглож болно. Энд утсаар тоглож болохгүй. Гэхдээ би нуугдаж байгаад утсаа оролдчихдог.
Бариста Б.Тэлмэн: Намайг Б.Тэлмэн гэдэг. Би Ид шидийн оронд бариста хийдэг. Намайг хүүхдүүд Гүнж ах гэж дууддаг. Үсээ задгай тавихаар урт болно. Нэг өдөр үсээ задгай тавиад явсан чинь хүүхдүүд та бараг гүнж юм биш үү гээд. Тэр цагаас хойш гүнж болсон доо. Лантуун дохио ТББ-д сайн дурын ажилтан хийгээд зургаан жил болж байна. Манай найз баристагаар ажиллаж байсан. Хараад байхад юм зарахгүй хүүхдүүдтэй харилцаад хөөрхөн харагддаг байсан. Үүнийг хараад л яг миний ажил байна гэж бодсон. Хоёр жилийн өмнө ажилд орох уу гэж асуухаар нь тэгье гээд шууд л орсон.
Ид шидийн орон чатбот системтэй болж байгаа бөгөөд хандив өгөхийг хүссэн иргэд энэхүү системээр дамжуулан Ид шидийн орны үйл ажиллагааг дэмжих боломжтой болж байна.
Perfect Pact LLC захирал Н.Төгсгэрэл : Манай компани Perfect Pact LLC нэртэй. Бүтээгдэхүүн нь смарт бот ухаалаг чатботын систем байгаа. Чатботын систем нь төлбөрийн гарцын шийдэлтэй. Энэ шийдлээ боломжийнхоо хүрээнд Ид шидийн орны үндсэн пэйж дээр холбож байна. Холбосноороо чатаар дамжуулаад Ид шидийн орны үйл ажиллагааг дэмжих боломжтой болж байна. Шидэт сүүг пэйжийн чатаар дамжуулж сонгоод хүүхдүүдэд зайнаас сүүг хандив болгон өгөх боломжтой. Ингэснээр хүүхдүүд Ид шидийн оронд ирээд өөрийнхөө онц авсан дүнг, бусдад тусалсан тухайгаа яриад кофе шопоос бусдын илгээсэн сүүг авах боломжтой. Энэ нь хялбар бөгөөд олон хүнд хүртээмжтэй байна гэж бодож байна.
0
0
0
0
0
0
0
0
