Ч.Хантүмэн: Данс хаачихлаа, дарга нарыг мууллаа гээд ингэв үү
Өнөөдөр БНСУ-ын Үндсэн хуулийн цэц өнгөрсөн 12-р сард онц байдал зарлаж, ард иргэдээ цочроож, сүүлийн хэдэн 10 жилд байгаагүй улс төрийн хямралыг өдөөсөн БНСУ-ын Ерөнхийлөгч Юүн Сүк Ёлыг албан тушаалаас нь огцруулах эсэх шийдвэрээ гаргана.
Үүнтэй холбоотойгооо БНСУ-ын эрх баригчид аюулгүй байдлыг хангаж, эмх замбараагүй байдал үүсэхээс сэргийлэх бүхий л арга хэмжээг аваад байна. Нийслэл Сөүл хотын гудамжнаа 14 мянга гаруй цагдаагийн албан хаагчид ажиллах ба шүүхийн байрнаас хааш хаашаа 100 м радиуст хамгаалалтыг гаргасан байна.
Шүүхийн байрны ойролцоох үзвэр үйлчилгээний газрууд, шатахуун түгээх станцууд хаалттай байх ба олон давхар барилгуудын дээвэр лүү иргэдийг гаргахгүй аж. Түүнчлэн энэ өдөр галт зэвсгийн хэрэглээг хязгаарлаж, тусгай лицензтэй галт зэвсэг эзэмшигчдийг GPS байршил тогтоогчоор хянах юм.
Метроны Ангук өртөө хаалттай байх ба тэсрэх бөмбөгийн аюулаас сэргийлж өртөөнд байрлах тээш хадгалах шүүгээнүүдийг цоожтой байлгах аж. Шүүхийн байрны дээгүүр дрон нисгэхийг хориглох ба ойролцоо байрлах 11 сургуулийн хичээл орохгүй бөгөөд гудамжинд лангуунд худалдаа эрхэлдэг хүмүүст бараагаа хурааж, гудамжинд юу ч үлдээхгүй байхыг анхааруулжээ.
Хэрэв шүүх Юүн Сүк Ёлыг огцруулбал тэрээр БНСУ-ын ардчилсан тогтолцооны эсрэг босож, нэр төрөө шившигтэй хутгасан төрийн тэргүүнүүдийн эгнээнд багтах юм. Үндсэн хуулийн цэцийн найман шүүгчийн багадаа 6 нь Юүн Сүк Ёлыг албан тушаалаас нь огцруулах парламентын шийдвэрийг дэмжиж байж, Юүн Сүк Ёлыг албан ёсоор огцруулах юм.
Шүүхийн шийдвэр гарсны дараа 60 хоногийн дотор ерөнхийлөгчийн сонгуулийг явуулж, дараагийн төрийн тэргүүнийг сонгох юм.
0
0
0
0
0
0
0
0
