Ц.Нямдорж: Надад одоогийн байдлаар ямар нэгэн ажлын санал тавиагүй
УИХ-ын чуулган хуралдаж байна. УИХ дахь намын бүлгүүд болон ХЗБХ дэмжсэн АТГ-ын дарга З.Дашдавааг улираан томилох асуудлыг хэлэлцэж байна.
Энэ үеэр УИХ-ын гишүүн Х.Тэмүүжин “Авлигатай тэмцэнэ гэдэг ганц энэ байгууллагын ч ажил биш. Монгол Улсад системийн авлигал гаарсан тухай Ерөнхий сайд нэг бус удаа хэлсэн. Үнэхээр тогтолцооны авлигал Монголд байгаа бол АТГ-ыг үсний машин шиг ашиглах зохимжгүй. Өнгөрсөн хугацаанд яг л үсний машин шиг ашиглалаа. Авлига ургадаг хөрс, авлига “ургаж” байгаа толгойг нь өөрчлөх тухай биш ургасан үсийг нь л машиндаад суугаад байна. Албан тушаалтнууд ээлж дараагаар шорон руу ачигдаад, АТГ-ын ажлын үзүүлэлтийн нэг болж харагдаад маш олон гишүүн магтан дуулж байх шиг байна.
Хэн ч очсон авлигач болдог, хулгай хийж, авлига авч чаддаг энэ тогтолцоог өөрчлөхгүйгээр ямар ч сайн дарга тэнд очоод, энэ байгууллагыг төсөв мөнгөөр тордоод нэмэргүй. Тогтолцооны өөрчлөлттэй тэмцье гэж бодож байгаа бол зоригтой том өөрчлөлтүүд хийх хэрэгтэй. Авилгаас ангижрах хоёрхон л арга байгаа шүү дээ. Нэгдүгээрт, төвлөрсөн эрх мэдлийг задал. Хоёрдугаарт эрх мэдлийг задалж байгаа бол харилцаа хяналтад оруулах ёстой шүү дээ. Харилцаа хяналтад орох тогтолцоо чинь ерөөсөө ажиллахгүй байна. Хууль тогтоох, гүйцэтгэх, шүүхийнхээ хэмжээнд ч ажиллахгүй байна. Засгийн газрын дотор байгаа агентлагуудын дунд ч ажиллахгүй байна. Би Д.Амарбаясгалан даргад үг хэлмээр байна. Асуудал үүсвэл парламент томилсон хүндээ хариуцлага тооцдог, огцруулдаг эрх мэдэлтэй болох хэрэгтэй. УИХ-д ажлаа тайлагнадаг хүмүүс чинь огт хариуцдаггүй юм шиг хариуцлагагүй ажиллаж байна шүү” гэв.
0
0
0
0
0
0
0
0
