Хотын дарга дүүрэг, хороодын Засаг дарга нартай сар бүр уулзана
Гадил буюу банан нь гадилын ургамалд ургах жимс бөгөөд Зүүн Өмнөд Азийн дулаан бүсээс гаралтай. Гадилын ургамал нь 2-8м өндөр ургах тул мод хэмээн андуурагддаг. Гэвч мод биш өвсөрхөг ургамал юм. Навч нь 3.5м хүртэл урт ургана. Гадил жимс нь түүхий байхдаа ногоон байх ба боловсорч гүйцэхээрээ шар эсвэл улаан гэх мэт өнгөтэй болно.
Нэг ширхэг гадил жимс нь дунджаар 125гр бөгөөд 3/4 нь ус юм. Гадил жимсний гадуурх хальс нь ч мөн идэж болох бөгөөд Азийн зарим оронд хальстай нь хоол хийж иддэг байна. Гадил нь В6 витамин, С витамин болон калигаар баялаг юм. Банана жимсний ач тусуудыг танилцуулж байна.
- Бананад байдаг сукроз, фруктоз, глюкоз нь хоромхон зуур эрч хүчийг сэргээдэг.
- Удаан хугацаанд дасгал хийхэд бидний биеэс маш их витамин, эрдэс бодис алдагддаг. Банана эдгээр тэжээллэг бодисыг нөхөх шилдэг хүнс бөгөөд хэрэгтэй байгаа эрч хүчийг тань өгөх болно.
- Жингээ хасах хүсэлтэй хүмүүст тохирох хамгийн шилдэг жимснүүдийн нэг нь банана юм. Учир нь 100гр бананад дөнгөж 90 калори л байдаг бөгөөд тэжээллэг чанар нь эрч хүчийг нэмэгдүүлдэг байна.
- Мөн жингээ нэмэгчдэд ч банана хэрэгтэй хүнс. Бананыг сүүтэй хольж хэрэглэснээр жингээ хурдан хугацаанд нэмэх боломжтой. (Бананаа хэрчээд хөөрүүлсэн сүүн дээр хийж идэх)
- Банана идэхэд таны арьс зөөлөрч, чийгшил авна. Түүнчлэн хальсаар нь аллергины тууралт, батга зэргийг арчихад сайн байдаг.
- Банана үрчлээнээс хамгаалах шидээрээ дэлхий даяар алдартай. Нүүрэндээ бананаар маск тавихад арьс тань амарч, шим тэжээлт бодисуудаар хангагдана.
- Бананад байгаа антиоксидант, витаминууд нь арьсны коллагеныг нөхөн төлжихөд тустай бөгөөд залуу төрхөө хадгалахад нөлөө үзүүлдэг.
- Нухсан бананыг зөгийн балтай холиод тохой, өвдөг, хөлний хуурайшсан арьсанд түрхэхэд сайн зөөлөрдөг.
- Бананы хальсны дотор тал хайрст үлдийг эмчлэхэд олон жил хэрэглэгдэж байна.
- Нухсан банана, өндөг, бага зэрэг сүү, жаахан ус нэмсэн хольц хуурай үсийг гялалзуулж, чийгшил өгдөг.
- Хэрвээ таны нүд хуурайшаад байдаг бол бананыг өдөр тутам идэх нь маш ашигтай.
- Бананад агуулагддаг маш их төмөр нь биен дэх гемоглобины өсөлтийг дэмждэг бөгөөд ингэснээр цус багадалтаас сэргийлэхэд тустай.
- Банана зүрхний цохилтыг хэвийн болгож, зүрхний өвчнөөс сэргийлэх аргуудын нэг болдог. Мөн биеийн усны хэмжээг зохицуулдаг.
- Бананад байдаг трифтофан хэмээх уураг нь хүнийг тайвшруулж, сэтгэл санааг өргөх бөгөөд нэг үгээр хэлбэл таныг жаргалтай байхад тусална.
- Судалгаагаар сэтгэл санааны гутралд орсон хүмүүс банан идсэний дараа хамаагүй дээр болж байгааг тодруулжээ.
- Бананад байдаг потассиум нь сэргэлэн цовоо байдлыг дэмжиж, тархины үйл ажиллагааг сайжруулахад тусалдаг.
- Бананад агуулагддаг потассиум, витамин В6 нь шарталтын дараа тэнхрэхэд тустай
- Банана нь биенээс алдагдах кальцийн хэмжээг бууруулдаг бөгөөд ингэснээрээ ясны сийрэгжилт тусах эрсдэлийг багасгана.
- Усан үзэм банана, алим, тарвас, хан боргоцой, тоор зэрэг олон янзын жимснүүд эрүүл мэндэд ямар тустайг тодруулахаар Токиод хийсэн судалгаагаар банана хамгийн шилдэг үр дүнг үзүүлжээ.
- Банана мөн тамхийг хаях гэж буй хүмүүст тусалж чадна. Үүнд агуулагддаг эрдэс бодис, витаминууд нь биеэс никотины хордлогыг зайлуулахад тустай.
0
0
0
0
0
0
0
1
