Монголын сагсан бөмбөгийн 3х3 шигшээ багууд Азийн аваргад өрсөлдөнө

Сингапур улсад гуравдугаар сарын 26-30 ны өдрүүдэд FIBA 3×3 сагсан бөмбөгийн 2025 оны Азийн аварга шалгаруулах тэмцээн болно. Тэмцээнд эрэгтэй 25, эмэгтэй 23 улсын шигшээ багууд өрсөлдөнө.

 Монгол улсаас эрэгтэй, эмэгтэй шигшээ багууд бүрэн бүрэлдэхүүнээрээ оролцохоор бэлтгэл сургуулилтаа хийж байна

Эрэгтэйчүүдийн шигшээ багт А.Ананд, Д.Дэлгэрням, Э.Дөлгөөн, Ц.Отгонжаргал нар дуудагдсан. Тэд тэмцээнийг зохион байгуулагч Сингапур улсын баг болон урьдчилсан шатнаас тодрох өөр бас нэгэн багийн хамт “А” хэсэгт өрсөлдөх ажээ.

Тэгвэл эмэгтэй шигшээ багийн бүрэлдэхүүнд Б.Ариунцэцэг, Э.Нарангоо, М.Булбул, О.Хулан нар багтсан. Манай баг Тайланд болон мөн урьдчилсан шатнаас тодрох багийн хамт “B” хэсэгт хүч сорино. Тэдний эхний тоглолт гуравдугаар сарын 29-ний өдөр болох хуваарьтай байна.

3х3 сагсан бөмбөгийн эрэгтэй, эмэгтэй шигшээ багууд Азийн АШТ-д өрсөлдөнө