Н.Оюундарийг Польш улсад суух Элчин сайдаар томилохыг 63 гишүүн дэмжлээ
Гавьяат тамирчин Ц.Шаравжамц АНУ-ын Чикаго хотод байрлах “Монгол авьяас” академитай хамтран хүүхдийн шигшээ баг бүрдүүлж, АНУ-ын AAU хүүхдийн лигт оролцох гэж байгаа талаараа мэдээлэл өглөө.
Ц.Шаравжамц: “AAU” зуны лиг нь ойрхон байгаа сургуулиудын сайн тоглогчдыг цуглуулаад нэг баг болгож хавар, зун лигт оролцуулдаг. Энэ нь манай тамирчдын хувьд ганцаараа очоод өөр хүүхдүүдтэй нэг баг болж оролцоход хүндрэлтэй байгаа учир үүнийг шийдэхдээ ганцаар нь биш багаар нь энэ лигт оролцуулахаар болсон. АНУ-ын Чикаго хотод байгаа “Mongolian Talent Academy”-тэй хамтраад “Stars Academy” уг төслийг хэрэгжүүлэхээр болсон. Хүүхдүүдэд тавьж буй гол шаардлага бол авьяастай, ур чадвартай байх.
Бэлтгэл хийх, виз мэдүүлэх зэрэг олон асуудал байгаа учир нэг сардаа хүүхдүүдээ шалгаруулж аваад “Mongolian Talent Academy”-аас урилгаа авна. Дөрвөн насны ангилалд арван тамирчинтай дөрвөн баг явах төлөвлөгөөтэй байгаа. Зардлын хувьд бүтэн сар тэнд байх учир урьдчилсан тооцоогоор нэг хүүхдээс 6000-7000 доллар гарах магадлалтай байна. Тиймээс авьяастай хэрнээ санхүүгийн боломжгүй хүүхдүүдийг дэмжээрэй гэж байгууллагуудад уриалж байна.
Mongolian Talent Academy-ийн төлөөлөгч н.Хүдэрбаяр: “AAU” лигийн хамгийн том таван спортын нэг нь сагс. Хамгийн шилдэг тоглогчид ирж тоглодог, олон мужаар дамжиж тоголдог учраас Монгол тамирчдаа багаар нь дэмжээд явуулчихвал олон хүний хараанд өртөж цаашдын олон боломж нээгдэх боломжтой. Бид үүнийг олон жил ярилцсаны эцэст одоо л боломж нь бүрдэж зорилготойгоор хүүхдүүдээ явуулах гэж байгаа.”Mongolian Talent Academy” нь АНУ дахь бүх үйл ажиллагааг хариуцаж ажиллах бол Монгол дахь үйл ажиллагааг “Stars Academy” хариуцаж ажиллана.
Ш.Мөнхийн-Од: Сонгон шалгаруулалт “Үй-Цай” сургууль дээр энэ сарын 14-ний өдөр буюу ирэх долоо хоногийн хоёрдахь өдөр 09:00-17:00 хооронд болно. 09:00-11:00 цагийн хооронд U19, U18 насны ангиллыг бүртгэж авна. 11:00-13:00 хүртэл U17 насны ангиллыг бүртгэх маягаар U16, U15 насны ангиллыг ч мөн дараагийн хоёр хоёр цагийн зайтай бүртгэж авна. Шалгаруулалт NBA combine-ийн дөрвөөс таван дасгалыг хийлгэх учир та бүхэн урьдчилж хараарай. Түүний дараа тоглолт болох ба тоглолтын үед хийсэн бичлэгээс харж байгаад хүүхдүүдээ шалгаруулж авна. Харин цаашдын бэлтгэлийг хагассайн, бүтэнсайн өдрүүдэд өглөө 08:00 цагаас хийнэ гэж төлөвлөж байна. Тэмцээн таван сарын 1-31 хооронд АНУ-д явагдана. Тэр хүртэлх хугацаанд тасралтгүй бэлтгэл хийнэ.
Энэ төслийг Монголын ирээдүй болсон залуусын төлөө хийж байгаа, ашиг хараагүй ажил бөгөөд үүн дээр хамтарч ажиллах хувь, хүн байгууллагууд байвал эрт холбогдохыг хүсье.
С.БААСАНСҮРЭН
0
0
0
0
0
0
0
0
