Ч.Хантүмэн: Данс хаачихлаа, дарга нарыг мууллаа гээд ингэв үү
Монгол Улсын 2025 оны төсвийн тухай хуулийг дахин боловсруулж, өчигдөр УИХ-д өргөн мэдүүлсэн. Орлого, зарлага нь 33,5 их наяд төгрөг буюу алдагдалгүй байх зарчим баримтлан боловсруулсан 2025 оны төсөвт ямар таналт хийснийг танилцуулья.
- Бүх шатны төсвийн байгууллагын тавилга худалдан авах, сургалт, семинар, хурал зөвлөгөөн хийх, биеийн тамирын уралдаан тэмцээн зохион байгуулах, гэрээт ажилтан ажиллуулах, дуудлагын автомашин хөлслөх, зөвлөл, хороо, комиссын гишүүнд ажлын хөлс, урамшуулал олгох зардлыг 100 хувь бууруулах;
- Эрүүл мэнд болон тусгай чиг үүргийн байгууллагаас бусад бүх байгууллагын тээвэр шатахууны зардал, Монгол Улсын Ерөнхийлөгч, Улсын Их Хурлын дарга, Монгол Улсын Ерөнхий сайд, Гадаад харилцааны сайдаас бусад төсвийн ерөнхийлөн захирагч нарын гадаад албан томилолт болон зочин төлөөлөгч хүлээн авах зардал, эрүүл мэнд, боловсрол, батлан хамгаалах, гадаад харилцаа, хууль зүй, дотоод хэргийн салбараас бусад салбарын дадлага, бэлтгэл сургуулилт хийх зардал, бүх шатны төсвийн байгууллагын дотоод албан томилолт, бичиг хэргийн зардал, багаж техник хэрэгсэл худалдан авах зардлыг тус тус 50 хувиар бууруулах;
- Үр ашиггүй давхардсан чиг үүрэг бүхий ажлын алба, орон тоог цомхотгох, төрийн зарим чиг үүргийг хувийн хэвшлээр гүйцэтгүүлэх зэргээр цалин хөлсний зардлыг хэмнэх,
- Тариф, мөнгөн хэмжээ, норматив тогтоосон шийдвэрийг өөрчлөх, орц болон гарцыг багасгах, хамрах цар хүрээг хумьж хяналтын тоог бууруулах, ач холбогдлоор нь эрэмбэлж хэрэгжилтийг хойшлуулах зэргээр доор дурдсан арга хэмжээний зардлыг 10 хувь бууруулах:
Үүнд
-
Боловсролын салбарын нэг хүүхдэд ногдох хувьсах зардлаар санхүүжих арга хэмжээ, сургууль, цэцэрлэг, дотуур байрны хоолны материал худалдан авах, гадаад дотоодын их дээд сургууль, мэргэжлийн болон техникийн боловсрол олгох сургуулийн суралцагчид тэтгэлэг олгох, төрийн өмчийн их дээд сургуулиудын тогтмол зардлыг төлөх, боловсролын салбарын ажилтнуудыг чадавхжуулах, сургалтын төлбөрийн буцалтгүй тусламж олгох, олимпиад зохион байгуулах;
-
Улсын төсвийн санхүүжилтээр эрүүл мэндийн урьдчилан сэргийлэх хөтөлбөр хэрэгжүүлэх, хүн амыг дархлаажуулах, дадлагажигч эмч бэлтгэх, нийгмийн эрүүл мэндийн тандалт судалгаа хийх, халдварт болон халдварт бус өвчнөөс урьдчилан сэргийлэх, эрүүл мэндийн боловсрол олгох, шүд, амны хөндийн үзлэг, эмчилгээ хийх, гадаад улс оронд эмчлүүлэхэд зардлын дэмжлэг үзүүлэх, эмнэлгийн тусламж, үйлчилгээнд дэвшилтэт технологи шинээр нэвтрүүлэх, эрүүл мэндийг дэмжих, тоног төхөөрөмжийн засвар үйлчилгээ хийх, эм, эмнэлгийн хэрэгслийн нөөц бүрдүүлэх, эрдэм шинжилгээний судалгаа, тандалт хийх;
-
Малыг вакцинжуулах, хөдөө аж ахуйн салбарт дэмжлэг үзүүлэх, урамшуулал, зээлийн хүүгийн татаас олгох, улсын нөөцийн барааг сэлгэн бүрдүүлэх, геологийн хайгуул хийх, агаарын бохирдлыг бууруулах, ойжуулах, байгаль орчныг хамгаалах, нөхөн сэргээх
-
цахим шилжилт хийх, мэдээлэл сурталчилгаа хийх, улсын баяр наадам зохион байгуулах, спортын өндөр амжилт гаргасан тамирчинд шагнал, урамшуулал олгох, баг, хорооны иргэдийн Нийтийн Хурлын дарга нарт урамшуулал олгох, сонгуулийн үр дүнгээр чөлөөлөгдсөн улс төрийн албан хаагч нарт тэтгэмж олгох, орон нутгийн өмчид их засвар хийх.
- нийгмийн халамжид хамрагдах шалгуурыг оновчтой болгох, хөнгөлөлт үйлчилгээний давхардлыг арилгах, халамжаас хөдөлмөрт шилжих хөтөлбөр хэрэгжүүлэх зэргээр нийгмийн халамжийн сангийн зардлыг 1.3 хувиар бууруулах;
- Салбарын яам, агентлагийн эрхлэх асуудлын хүрээнд үйл ажиллагааг нь хэрэгжүүлэх бүрэн боломжтой үндэсний хороо, зөвлөл, комиссын ажлын албыг татан буулгаж чиг үүргийг холбогдох байгууллагад шилжүүлэх;
- улсын төсвөөс Дундговь, Сүхбаатар, Дархан-Уул, Өвөрхангай, Хөвсгөл, Төв, Өмнөговь, Говьсүмбэр, Дорнод, Ховд, Хэнтий, Сэлэнгэ аймагт олгодог усан хангамжийн татаасыг тэглэх;
- Статистикийн тухай хуульд заасан сэдэвчилсэн тооллого, судалгааны үр дунг ерөнхий байдлаар тоймлох зэргээр үйл ажиллагааны зардлаа хэмнэж ажиллахыг холбогдох сайд, Засгийн газарт чиглэл болгосон байна.
0
0
0
0
0
0
0
0
