Монгол Улсын арслан М.Мөнгөн агсаны нэрэмжит xүчит бөxийн барилдаан болно
2024 онд Спортын салбарынхны үнэн хүч бяр, ур чадвар, ямар түвшинд яваа чансааг шалгаж сорих жил. Ингэж хэлдгийн учир нь жилд нэг удаа тохиодог зуны олимпын наадам энэ жил болно. Монгол улсын тамирчдын хувьд олимпын эрхээ авах, эрхийн оноогоо цуглуулж, чансаагаа ахиулах олон сорилттой тэмцээн, уралдаан хүлээж байна.
"Канвон 2024" залуучуудын өвлийн олимпын IV наадам
БНСУ-ын Канвон мужид 2024 оны залуучуудын өвлийн олимп нэгдүгээр сарын 19-ний өдөр нээлтээ хийнэ. Хоёрдугаар сарын 1-ний өдөр хүртэл үргэлжлэх тус олимпт Монгол Улсаа төлөөлөн нийт 12 тамирчин өрсөлдөнө. Гүйлтийн цанын төрөлд 4 тамирчин, биатлоны төрөлд 6, уулын цанын төрөлд хоёр тамирчин тус тус оролцохоор амжилттай эрхээ аваад байгаа билээ.
2025 оны Ази тивийн аваргын урьдчилсан шатны сагсан бөмбөгийн тэмцээн
2025 онд болох 5х5 төрлийн сагсан бөмбөгийн Ази тивийн аваргын урьдчилсан шатны тоглолтууд энэ оны хоёрдугаар сарын 22-ноос ирэх 11-р сарын 24-ний өдрүүдэд болно. Монгол Улс сагсан бөмбөгийн хоёрдугаар сарын 22-ны өдөр Хятадтай, хоёрдугаар сарын 25-ны өдөр Гуамтай, арваннэгдүгээр сарын 21-ний өдөр Японтой тус тус тоглох хуваарьтай байна. Мөн 2025 онд үлдсэн тоглолтуудаа хийх юм.
Азийн танхимын болон тулааны спортын наадам ирэх сард эхэлнэ
Азийн танхимын болон тулааны спортын наадам ирэх сард эхлэх юм. Цар тахлын улмаас болон "Парис 2024" Олимпын бэлтгэл ажлаас шалтгаалан гурван удаа хойшлоод буй "Бангкок-Чонбури – 2021" Азийн танхимын болон тулааны спортын VI наадам 2024 оны 11 дүгээр сарын 21-нээс 30-ны өдрүүдэд зохиогдоно. Гурван жилийн дараа хөшгөө нээх тус наадам тун онцлогтой болох бөгөөд техник технологи, илүү инновацлаг түвшинд анхаарлаа хандуулж зохион байгуулахаар болжээ. Тухайлбал дроны уралдаан, текбол, цахим спорт зэрэг төрлөөр шилдгүүдээ тодруулна. 35 спортын төрлөөр 334 багц медалийн төлөө өрсөлдөх бөгөөд өмнөх "Ашгабат-2017" наадамд Монголын баг тамирчид спортын 12 төрлөөр 72 тамирчин оролцож, 5 алт, 10 мөнгө, 15 хүрэл, нийт 30 медаль хүртсэнээр, багийн дүнгээр 13-р байрт шалгарсан амжилтыг үзүүлсэн юм.
Чөлөөт бөхийн Ази тивийн аварга шалгаруулах тэмцээн Киргизстаны нийслэл Бишкект болно
Энэ оны чөлөөт бөхийн насанд хүрэгчдийн Ази тивийн АШТ-ийг Киргизстаны нийслэл Бишкек хотод хүлээн авна. Дөрөвдүгээр сарын 11-нээс 16-ны өдрүүдэд болох тус тэмцээнд Ази тивийн шилдэг хүчтэнүүд нэгэн дор цуглах нь дамжиггүй юм. Монголын чөлөөт бөхийн баг тамирчид "Астана 023" Ази тивийн АШТ-ээс нэг алт, гурван мөнгө, таван хүрэл медаль хүртсэнээр багаараа наймдугаар байрт шалгарсан амжилттай.
Боксын насанд хүрэгчдийн Ази тивийн АШТ-д Монголын ширэн бээлийтнүүд тулалдана
Боксын Азийн аварга шалгаруулах тэмцээний тов, зохион байгуулах улс одоогоор тодорхой болоогүй байна. Гэхдээ тус тэмцээн 2024 оны дөрөвдүгээр сард болох урьдчилсан хуваарь гаргажээ.
3х3 сагсан бөмбөгийн багуудыг олимпын эрхийн тэмцээнүүд хүлээж байна
Энэ жил Монголын 3х3 сагсан бөмбөгийн шигшээ багийн тамирчид тун шахуу хуваарьтай байгааг эрэгтэй багийн ахлагч, ОУХМ Д.Дэлгэрням онцолсон. Баг тамирчдыг олимпийн эрх олгох гурван тэмцээн хүлээж байгаа юм. Эдгээрээс хамгийн эхний өрсөлдөөн бол дөрөвдүгээр сард Хонгконгт болно. Дараагийн тэмцээн тавдугаар сарын 3-наас 5-ны хооронд Япон улсад болох бөгөөд гурав дахь өрсөлдөөн тавдугаар сарын 16-19-нд Унгар улсад эрх олгох сүүлчийн тэмцээнд баг тамирчид өрсөлдөх боломжтой.
Жүдо бөхийн насанд хүрэгчдийн ДАШТ Абу Дабид болно
Жүдо бөхийн насанд хүрэгчдийн дэлхийн аварга шалгаруулах тэмцээн Абу Дабид болно. Орон орны жүдочид тавдугаар сарын 19-24-ний өдрүүдэд Абу Дабигийн татамид хүч үзнэ. Мэдээж "Парис 2024" олимпын эрхийн чансаа оноо олгох тэмцээн учраас жүдочдын жинхэнэ бэлтгэл сургуулилт, р чадварыг сорьсон тэмцээнүүд хүлээж буй. Жүдочдын хувьд нэг онцлог нь олимпын эрхийн төлөө оноо, чансаагаа цуглуулан цуврал тэмцээнд өрсөлдсөөр энэ оны 06-р сард IJF буюу Олон улсын жүдо бөхийн холбооноос шинэчилсэн чансаагаа гаргана. Ингэснээр "Парис 2024" зуны олимпыг зорих тамирчдын нэрс тодорхой болох учиртай.
"Улаанбаатар 2024" жүдо бөхийн Их дуулгын тэмцээн ирэх зургадугаар сард болно
"Улаанбаатар Их дуулга" жүдо бөхийн тэмцээнийг Монгол улсын нийслэлд энэ онд гурав дахь жилдээ зохион байгуулна. Ирэх 06-р сарын 28-30-ны өдрүүдэд болох тус тэмцээн олимпын эрхийн оноо олгодгоороо онцлогтой. Олон улсын жүдо бөхийн холбооны Парисын олимпийн өмнөх сүүлийн албан ёсны тэмцээн нь "Улаанбаатар Их дуулга 2023" байх юм.
"Парис 2024" зуны олимпын XXXIII наадам болно
Энэ жил дөрвөн жилд нэг удаа дэлхий нийт, спортын салбарын эв нэгдлийг эрхэмлэдэг зуны олимпын наадам болно. “Парис 2024” зуны олимпын XXXIII наадам наймдугаар сарын 02-ны өдрөөс 18-ны өдрүүдэд үргэлжилнэ.
Монголын баг тамирчдын хувьд 2008 оны Бээжингийн олимпоос хойш тасраад буй аваргын алтан медалийг авах гол зорилго тээж буй. Одоогийн байдлаар дугуй, бокс, байт харваа, чөлөөт бөх зэрэг төрлүүдэд Парисыг зорих тийзээ аваад байгаа билээ. Бусад төрлүүдийн тамирчдыг дээр эрхийн тэмцээн, эрх авах чансаа оноо цуглуулах тэмцээн энэ онд шахуу хуваарьтайгаар хүлээж байна. Францын Парис хот өмнө нь 1900 болон 1924 онуудад олимпийг зохион байгуулж байсан түүхтэй, туршлагатай хот. Зуны олимпын энэ жилийн наадмын нийт өртөг 8.3 тэрбум евро. Тус олимпын наадамд арван мянга гаруй тамирчид урд хүч, авхаалж, самбаа, бэлтгэл сургуулилтаа сорин өрсөлдөнө.
0
0
0
0
0
0
0
0
