Монгол Улсын арслан М.Мөнгөн агсаны нэрэмжит xүчит бөxийн барилдаан болно
МҮОХ-ны тэргүүн дээд шагнал гардуулах "Бөртэ чоно 2023" ёслолын арга хэмжээ Корпорэйт Конвешн центрт боллоо. 21 дэх жилдээ тус арга хэмжээ ёслол төгөлдөр болж, Спортын салбарын шилдгүүдээ тодрууллаа.
“БӨРТЭ ЧОНО 2023”: ШИЛДГИЙН ШИЛДЭГ ТАМИРЧИН, ШИЛЖИН ЯВАХ ЦОМЫН ЭЗЭН-БААТАРХУЯГИЙН ОТГОНБОЛД
2023 оны шилдгийн шилдэг тамирчин, шилжин явах цомын эзнээр Баатархуягийн Отгонболд шалгарлаа.
Б.Отгонболд энэ онд “Ханжоу 2022” Азийн зуны спортын XIX наадмын аварга, "Парис 2024" Олимпын наадамд оролцох эрх хүртсэн, Гавьяатуудын нэрэмжит олон улсын тэмцээний хүрэл медаль хүртсэн амжилтуудыг үзүүлж, спортын сэтгүүлчдийн санал хураалтаас хамгийн өндөр буюу 58 оноо хүртлээ.
"Бөртэ чоно"-ын эзэн, Шилдгийн шилдэг тамирчин Б.Отгонболдын ярилцлагыг доорх линкнээс үзнэ үү.
https://www.facebook.com/urugmnmedia/videos/248443988093258
ШИЛДЭГ ТАМИРЧИН – ЁНДОНПЭРЭНЛЭЙН БАСХҮҮ /ЖҮДО/
Ёндонпэрэнлэйн Басхүү "Бөртэ Чоно 2023" оны шилдэг тамирчнаар тодорлоо.
Тэрбээр энэ онд “Ханжоу 2022” Азийн зуны спортын XIX наадмын мөнгөн медаль, Дэлхийн аварга шалгаруулах тэмцээний хүрэл медаль, "Улаанбаатар их дуулга 2023" алтан медаль, "Тбилиси их дуулга 2023" мөнгөн медаль, "Токио их дуулга 2023" мөнгөн медаль хүртсэн амжилтыг үзүүлж, спортын сэтгүүлчдийн санал хураалтаас 43 оноо хүртсэн байна.
ШИЛДЭГ ТАМИРЧИН – ЭНХСАЙХАНЫ ДЭЛГЭРМАА /ЧӨЛӨӨТ БӨХ/
Энхсайханы Дэлгэрмаа спортын сэтгүүлчдийн санал хураалтаас 50 оноо хүртэж Бөртэ Чоно наадмын шилдэг эмэгтэй тамирчнаар тодорлоо.
Тэрбээр энэ онд Дэлхийн аварга шалгаруулах тэмцээнээс мөнгөн медаль, "Ханжоу 2022" Азийн наадмаас хүрэл медаль, Дэлхийн чансааны тэмцээнээс хүрэл медаль, "Парис 2024" Олимпын наадамд оролцох эрхээ хүртсэн амжилт үзүүлсэн билээ.
"Бөртэ чоно 2023" наадмын оны шилдгүүдийн сэтгэгдлийг тоймлон товчхон хүргэж байна.
Үзэх линк; https://www.facebook.com/urugmnmedia/videos/326469110341835
ШИЛДЭГ СПОРТЫН ХОЛБОО – МОНГОЛЫН ГИМНАСТИКИЙН ХОЛБОО
Монголын гимнастикийн холбоо нь энэ онд олон улсын тэмцээнд баг тамирчдаа амжилттай хамруулж, МҮОХ үйл ажиллагааны оролцооны идэвхи, санхүү менежментийн ил тод байдлаах түлхүү өндөр оноо хүртэж, 1400 онооноос 1035 оноо авсанаар шилдэг спортын холбоогоор шалгарлаа.
ШИЛДЭГ ТАМИРЧИН – САЙНБАЯРЫН ЖАМБАЛЖАМЦ /ДУГУЙ/
Сайнбаярын Жамбалжамц “Ханжоу 2022” Азийн зуны спортын XIX наадмын хүрэл медаль, Азийн аварга шалгаруулах тэмцээний хүрэл медаль, Испани улсын "BURGOS BH" мэргэжлийн багтай гэрээ байгуулсан, Парис 2024 Олимпын наадамд оролцох эрхээ хүртсэн амжилтаар, спортын сэтгүүлчдийн санал хураалтад нийт 38 оноо хүртэж "Бөртэ Чоно"-ын эзэн боллоо.
ШИЛДГИЙН ШИЛДЭГ ЭМЭГТЭЙ ТАМИРЧИН -Долгоржавын ОТГОНЖАРГАЛ /чөлөөт бөх/
Долгоржавын Отгонжаргал Дэлхийн аварга шалгаруулах тэмцээний мөнгөн медаль, "Парис 2024" Олимпын наадамд оролцох эрх хүртсэн, Дэлхийн чансааны 4 дүгээр тэмцээн – Унгарын Гран При хүрэл медаль хүртсэн амжилтаар, спортын сэтгүүлчдээс 55 оноо хүртэж, энэ оны шилдгийн шилдэг эмэгтэй тамирчнаар шалгарлаа.
ОНЫ ШИЛДЭГ ТАМИРЧИН – ЛУТСАЙХАНЫ АЛТАНЦЭЦЭГ /БОКС/
Лутсайханы Алтанцэцэг Дэлхийн аварга шалгаруулах тэмцээнээс мөнгөн медаль хүртсэн амжилтаар Монголын спортын сэтгүүлчдээс 21 оноо хүртэж, энэ оны шилдэг эмэгтэй тамирчнаас шалгарлаа.
ШИЛДЭГ БАГ – 3Х3 САГСАН БӨМБӨГИЙН ҮНДЭСНИЙ ЭРЭГТЭЙ ШИГШЭЭ БАГ
Бөртэ Чоно 2023 наадмын оны шилдэг багаар 3х3 сагсан бөмбөгийн үндэсний шигшээ эрэгтэй шигшээ баг Азийн аварга шалгаруулах тэмцээний аварга, "Шанхай Их Дуулга" тэмцээний аварга, “FIBA Ulaanbaatar Challenger” тэмцээний мөнгөн медаль, "FIBA Suntory Shanghai Challenger" тэмцээний мөнгөн медаль, "FIBA Wuxi Challenger" тэмцээний мөнгөн медаль, "FIBA Ulaanbaatar Super Quest" тэмцээний хүрэл медаль хүртсэн амжилтаар тодорлоо.
ПАРАЛИМПЫН ШИЛДЭГ ТАМИРЧИН – ГАНБОЛДЫН БОЛОР-ЭРДЭНЭ
Энэ оны паралимпын шилдэг тамирчнаар Дэлхийн паратаеквондогийн дэлхийн аварга шалгаруулах тэмцээний хүрэл медаль, "Ханжоу 2022" Пара Азийн наадмын аварга, 2023-2024 оны Пара Гран При тэмцээнээс 2 алт 2 мөнгө тус тус хүртсэн амжилтаар Ганболдын Болор-Эрдэнэ шалгарлаа.
ШИЛДЭГ ЗАЛУУ ТАМИРЧИН – ОЮУН-ЭРДЭНИЙН ЭНХСАЙХАН /БОКС/
"Бөртэ Чоно 2023" наадмын шилддэг залуу тамирчнаар Оюун-Эрдэнэ Энхсайхан "Улаанбаатар 2023" Зүүн Азийн Залуучуудын наадмын аварга, Залуучуудын улсын аварга, Казахстан улсын Шымкент хотод зохиогдсон Залуучуудын олон улсын тэмцээний аварга болсон амжилтаар шалгарлаа.
ШИЛДЭГ ДАСГАЛЖУУЛАГЧ – АРСЛАНГИЙН МЭРГЭН
Энэ оны шилдэг дасгалжуулагчаар Монголын хоккейн шигшээ багийн ахлах дасгалжуулагч Арслангийн Мэргэн тодорч, "Бөртэ Чоно"-ын эзэн боллоо.
СПОРТЫН ШИЛДЭГ БҮТЭЭН БАЙГУУЛАЛТ – “AIRDOM” ТӨСӨЛ /МОНГОЛЫН ХӨЛБӨМБӨГИЙН ХОЛБОО/
Дэлхийн стандартад нийцсэн жилийн дөрвөн улиралд бэлтгэл хийх боломжтой, Ази тивийн анхны цор ганц битүү хучилттай хөлбөмбөгийн талбайг Төв аймгийн Зуун мод хотод Монголын хөлбөмбөгийн холбооноос бүтээн байгуулсан билээ.
“AIRDOM” төсөл амжилттай хэрэгжиж битүү хучилттай талбай байгуулагдсанаар баг тамирчдын амжилт, бэлтгэлийн үр дүнд эерэгээр нөлөөлөх томоохон хүчин зүйл болж чадсан байна.
ШИЛДЭГ СПОРТЫН ХОЛБОО – МОНГОЛЫН ЖҮДО БӨХИЙН ХОЛБОО
Монголын жүдо бөхийн холбоо энэ оны шилдэг спортын холбоогоор шалгарч, “Бөртэ Чоно”-ын эзэн боллоо.
Байгууллагын хөгжил, спортын хөгжил, хүний хөгжил, санхүү, маркетингийн хөгжил, МҮОХ-ны үйл ажиллагааны оролцоо, спортын амжилт зэрэг нэгдсэн дүнгээр Монголын жүдо бөхийн холбоо 1400 онооноос 1145 оноо авч оны шилдгийн шилдэг Олимпын төрлийн холбоогоор шалгарлаа.
ШИЛДЭГ ШҮҮГЧ – БАТТУЛГЫН АЛТАНГАДАС /Чөлөөт бөх/
Бөртэ Чоно 2023 наадмын шилдэг шүүгчээр Баттулгын Алтангадас тодорлоо. Тэрбээр “Ханжоу 2022” Азийн 19 дүгээр наадам, Азийн аварга шалгаруулах тэмцээн, "Улаанбаатар 2023" Зүүн Азийн залуучуудын наадам, U23 дэлхийн аваргыг амжилттай дэнсэлсэн билээ.
ШИЛДЭГ ШҮҮГЧ – Ө.БАТЦЭЦЭГ /ХӨЛБӨМБӨГ/
Хөлбөмбөгийн Олон улсын шүүгч Ө.Батцэцэг Бөртэ Чоно-ыэ эзнээр шалгарлаа. Тэрбээр “Ханжоу 2022” Азийн 19 дүгээр наадам, Азийн аварга шалгаруулах тэмцээн, Зүүн азийн залуучуудын наадам, U23 дэлхийн аварга шалгаруулах тэмцээнийг амжилттай шүүн явуулсан билээ.
2023 ОНЫ ОНЦЛОХ БӨРТЭ ЧОНО – "УЛААНБААТАР 2023" ЗҮҮН АЗИЙН ЗАЛУУЧУУДЫН НААДМЫГ ЗОХИОН БАЙГУУЛАХ ХОРОО
Энэ оны онцлох Бөртэ Чоно цомын эзнээр "Улаанбаатар 2023" Зүүн Азийн залуучуудын наадмын зохион байгуулах хороо тодорлоо.
Энэ онд Монгол улс түүхэндээ анх удаа 11 үндэсний олимпын хороодын 800 гаруй тамирчид 12 спортын төрлөөр өрсөлдсөн Зүүн Азийн Залуучуудын наадмыг эх орондоо амжилттай зохион байгуулсан билээ.
ШИЛДЭГ ДАСГАЛЖУУЛАГЧ – ТҮМЭНДЭМБЭРЭЛИЙН СҮХБААТАР /ЧӨЛӨӨТ БӨХ/
"Бөртэ Чоно 2023" оны шилдэг дасгалжуулагчаар Монгол улсын гавьяат дасгалжуулагч Түмэндэмбэрэлийн Сүхбаатар шалгарлаа.
ШИЛДЭГ СПОРТЫН ХОЛБОО – МОНГОЛЫН КРИКЕТИЙН ХОЛБОО
Монголын крикетийн холбоо нь эрчимтэй үйл ажиллагааны менежментэд өндөр оноо хүртсэн бөгөөд, "Ханжоу 2022" Азийн зуны спортын наадамд анх удаа эрэгтэй, эмэгтэй багийн бүрэн бүрэлдэхүүнтэйгээр оролцсон билээ.
Түүнчлэн тамирчдын комисс, жендерийн комиссыг байгуулж манлайлан ажилласан төдийгүй, санхүү маркетингийн хөгжлөөр шилдэг байж нийт 1400 онооноос 860 оноо авч шилдэг спортын холбоогоор шалгарлаа.
0
0
0
0
0
0
0
0
