Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Ихийг мэддэг хүмүүс өөрсдийгөө “чадваргүй” гэдэгт итгэдэг бол мэдлэг багатай хүмүүс өөрсдийгөө “маш чадварлаг” гэж боддог байна. Энэ бол “Даннинг Крюгерийн нөлөө” юм.
Энэхүү нөлөө нь зарим хүн өөрсдийнхөө чадваргүй байдлыг хүлээн зөвшөөрч чадахгүй байгаатай холбоотой аж. Тиймдээ ч тэд өөрсдийгөө мэдлэг оюун ухаанаараа бусдаас илүү гэж үздэг байна. Энэхүү нөлөөний шалтгаан нь тодорхойгүй боловч хэд хэдэн шалтгаан байж болно. Үүнд,
- Эго ба өөрийгөө үнэлэх үнэлэмжийг хамгаалахын тулд
- Тэд онцгой чадвартай гэдгээ байнга сонсдог орчинд өссөн зэрэг нь нөлөөлж буй
Корнеллийн их сургуулийн судлаач Дэвид Даннинг, Жастин Крюгер нарын үзэж буйгаар чадваргүй хувь хүмүүс,
- Өөрсдийнхөө чадварыг хэт үнэлэх хандлагатай байдаг
- Бусдын чадварыг таньж чадахгүй
- Туйлын хангалтгүй гэдгээ хүлээн зөвшөөрч чаддаггүй байна.
Хэрэв тэд өөрсдийн ур чадварын түвшинг мэдэгдэхүйц дээшлүүлэхээр хичээвэл өөрийн дутмаг байдлыг хүлээн зөвшөөрч болно гэжээ.
Харин аливаа зүйлийн талаар төсөөлөл, ойлголттой хүмүүс эргэлзээ ихтэй, шийдэмгий бус хандлагатай байх нь элбэг аж.
Энэхүү “Даннинг Крюгерийн нөлөө”-г алдартнуудын хэвлэл мэдээллийн хэрэгслээр хийсэн зарим мэдэгдлээс ажиглаж болно.
Тухайлбал,бидний төдийлэн сайн мэдэхгүй Марио Балотелли хэмээх хөлбөмбөгчин өөрийгөө, дэлхийн шилдэг тоглогчид болох Месси, Криштиану Роналдугаас илүү чадварлаг гэж хэлж байжээ. Энэ нь бодит байдал дээр ор хоосон дэмий үг болж таарсан юм. Учир нь тэр дэлхийн шилдэг 100 хөлбөмбөгчний тоонд ч багтдаггүй. Магадгүй эхний 500-д ч орохгүй байж мэднэ.
Үүнтэй холбогдуулан гадаадын алдарт жүжигчдийн ишлэлээс хүргэвэл,
“Хэрэв би зүгээр л ухаалаг байсан бол сайн сан. Харамсалтай нь би хүмүүст маш их аюул заналхийлж байдаг догшин ухаантай”- Шарон Стоун.
"Дэлхийн хүмүүс намайг агуу оюун санааны удирдагч гэж хүлээн зөвшөөрдөг" – Стивен Сигал
Энэ мэтчилэн өөрийгөө дөвийлгөх, хэт итгэлтэй байх үзэгдлийг “Даннинг Крюгерийн нөлөө”-гөөр тайлбарлавал тэд өөрсдийн чадваргүй гэдгээ ч мэдэх чадваргүй өрөвдөлтэй хүмүүс болон хувирч байгаа юм.
0
0
0
0
0
0
0
0
