ОXУ-ын зүгээс Украин руу тив алгасаx Баллистик пуужин xарважээ
Өнгөрсөн бямба гаригт Украины зүүн хэсэгт байрлах сургуулийг оросууд бөмбөгджээ. Бөмбөгдөлтөд 60 гаруй хүн өртөж амиа алдсан гэж тосгоны Засаг дарга мэдэгдэв.
Нутгийн 90 орчим иргэн Донбассын фронтын ойролцоох Билоривка тосгоны сургуульд хоргодож байсан аж.
Билоривка тосгоны сургууль шатаж Украины Онцгой байдлынхан хоёр цогцсыг олж, 30 хүнийг аварсан гэдгийг Захирагч нь мэдэгджээ. "Одоо нуранги дор үлдсэн 60 хүн бүгд нас барсан байх магадлалтай" гэж Засаг дарга Серхи Хайдай Telegram мессенжер дээр бичжээ.
Оросууд мөн ойролцоох Привилья хот руу дайралт хийснээс 11, 14 настай хоёр хүү амиа алдсан гэж тэр хэлэв. Украины нийслэлийг эзлэн авч чадаагүйгээс хойш Орос улс 2014 оноос хойш Москвагийн дэмжлэгтэй салан тусгаарлагчид байлдаж байгаа Донбассад довтолгоогоо төвлөрүүлж зарим нутаг дэвсгэрийг нь эзлэн авчээ.
Дэлхийн 2-р дайнаас хойших Европын хамгийн том мөргөлдөөн одоо Украины армийн гэнэтийн үр дүнтэй хамгаалалтын улмаас дайн болон хувираад буй.
Оросууд 1945 онд нацист Германыг ялснаа цэргийн жагсаалаар тэмдэглэдэг 5-р сарын 9-ний Ялалтын баярын өмнөхөн дайралт улам ширүүсэх болно гэдгийг Украины удирдагчид анхаарууллаа.
ОХУ-ын Ерөнхийлөгч Владимир Путин Даваа гарагт Улаан талбайд цэргүүдэд үг хэлэхдээ Украинд ямар нэгэн ялалт байгуулснаа зарлахыг хүсэж байна гэж шинжээчид дүгнэж байгаа аж.
Украины удирдагч Зеленский ОХУ-ын Ялалтын баярыг угтаж хэлсэн үгэндээ, Оросын түрэмгийллийн дараа "Ямар ч муу зүйл хариуцлагаас мултарч, хаана ч нуугдаж чадахгүй" гэж мэдэгдлээ. Украины Ерөнхийлөгч Владимир Зеленский ОХУ-ын түрэмгийллийн дараа Украинд "муу ёрын бүхэн буцаж ирж, чөтгөр эргэн ирлээ" хэмээв.
Эх сурвалж: BBC News
0
0
0
0
0
0
0
0
