УИX-ын МАН-ын бүлэг ерөнxийлөгчийн xоригийг xүлээн авав
Гадаад харилцааны сайд Б.Батцэцэгийн ОХУ-д хийж буй айлчлал үргэлжилж байна.
Тэрээр Санкт-Петербург хотноо Үндэсний номын санд нээгдэж буй “Монгол, Оросын ард түмнүүдийн салшгүй нөхөрлөлийн 100 жил” сэдэвт үзэсгэлэнгийн нээлтийн ажиллагаанд оролцож, үг хэлжээ. Үзэсгэлэнгийн нээлтэд Оросын Үндэсний номын сангийн ерөнхий захирал В.Г.Гронский, ОХУ-ын ГХЯ-ны Санкт-Петербург хот дахь төлөөлөгчийн орлогч А.В.Олегович, Санкт-Петербургийн Их сургуулийн монгол судлалын тэнхимийн тэргүүлэх профессор В.Л.Успенский нар оролцсон байна.
Тус номын санд нэг сарын турш дэлгэн үзүүлэх уг үзэсгэлэнд Монгол, Оросын харилцаа, ОХУ дахь монгол судлалын чиглэлээрх архивын баримт, ном, товхимол, уран зураг зэрэг үзмэр багтжээ. Оросын Үндэсний номын сангийн фондод монгол хэл дээрх 9000 орчим ном байдаг ажээ.
Б.Батцэцэг сайд тэргүүтэй төлөөлөгчид өчигдөр Санкт-Петербург хот дахь Монгол Улсын Өргөмжит консулын газрын үйл ажиллагаатай танилцлаа гэж ГХЯ-наас мэдээллээ.
0
0
0
0
0
0
0
0
