АИ92-оос бусад шатахуун, дизелийн үнэ дунджаар 1000 төгрөгөөр нэмж магадгүй гэв
Монгол Улсын сүүний салбарт бодит өсөлт, хэмжигдэхүйц үр дүн авчирсан томоохон ахиц гарлаа. АПУ Дэйри ХХК дэлхийд сүүний гарц, ашиг шимээрээ тэргүүлэгч Холштейн үүлдрийн үхэр-ийн 400 хээлтэй үнээг Монгол Улсад амжилттай нутагшуулснаар шингэн сүүний үйлдвэрлэлийн хэмжээг өдөрт 10 тонноор нэмэгдүүлжээ.
Энэхүү өсөлт нь зөвхөн нэг компанийн үйлдвэрлэлийн хүчин чадлын тэлэлтээр хязгаарлагдахгүй, харин Монголын сүүний салбарын бүтээмж, үр ашгийг шинэ түвшинд хүргэж буй стратегийн ач холбогдолтой алхам болж байгааг салбарынхан онцолж байна.
Уг төслийг АПУ Дэйри ХХК нь дотоодын үйлдвэрлэлийг нэмэгдүүлэх, импортыг орлох, малчдын орлогыг дэмжих, салбарын тогтвортой хөгжлийг хангах зорилгоор Хүнс, хөдөө аж ахуй, хөнгөн үйлдвэрийн яам, Хаан банк, Монголын Тогтвортой Санхүүжилтийн Холбоо, Сүүний салбарыг хөгжүүлэх үндэсний зөвлөл зэрэг байгууллагуудтай хамтран хэрэгжүүлж байна.
Бүтээмжийг өсгөсөн шийдэл
Холштейн үүлдрийн үнээ нь өндөр ашиг шим, тогтвортой сүүний гарцаараа дэлхийд хүлээн зөвшөөрөгдсөн. Энэхүү үүлдрийг Монгол орны нөхцөлд нутагшуулснаар фермерийн аж ахуйн бүтээмжийг эрс нэмэгдүүлж, тогтвортой үйлдвэрлэл эрхлэх боломжийг бодитоор бүрдүүлж байна.
АПУ Дэйри ХХК нь үүлдэр нэвтрүүлэхээс гадна фермийн менежмент, тэжээл бэлтгэл, малын эрүүл ахуй, үйлдвэрлэлийн технологи, мэргэжлийн сургалтыг цогцоор нь хэрэгжүүлж байгаа нь салбарын хөгжилд системийн өөрчлөлт авчирч буй чухал хүчин зүйл болж байна.
Дотоодын хангалтыг нэмэгдүүлж, импортын хамаарлыг бууруулна
Шингэн сүүний үйлдвэрлэл нэмэгдсэнээр Монгол Улс жилийн дөрвөн улиралд
дотооддоо үйлдвэрлэсэн сүү, сүүн бүтээгдэхүүнээр зах зээлийг тогтвортой хангах боломж улам бүр нэмэгдэж байна. Энэ нь импортын бүтээгдэхүүний хамаарлыг бууруулахын зэрэгцээ валютын гадагшлах урсгалыг багасгах эдийн засгийн чухал ач холбогдолтой.
Мөн фермерүүдийн хувьд сүүний гарц, чанар сайжирснаар борлуулалтын боломж тэлж, орлого урт хугацаанд тогтвортой өсөх нөхцөл бүрдэж байна.
Салбарын хөгжлийн шинэ үеийг эхлүүлж байна
Салбарын мэргэжилтнүүдийн үзэж буйгаар энэхүү үр дүн нь Монголын сүүний салбарын хөгжлийн шинэ үеийг эхлүүлж буй бодит жишээ болж байна. Үйлдвэрлэл, менежмент, технологийн цогц шинэчлэл нь фермерийн аж ахуйг илүү үр ашигтай, тогтвортой болгохын зэрэгцээ хүнсний аюулгүй байдал, дотоодын үйлдвэрлэлийн өсөлтөд стратегийн хувь нэмэр оруулж байна.
АПУ Дэйри ХХК-ийн Гүйцэтгэх захирал Г.Баярмагнай “Бид Монголын фермерүүдтэй урт хугацааны тогтвортой хамтын ажиллагааг бий болгож, зөвхөн чанартай түүхий эд бус, мэдлэг, технологи, менежментийн шинэ түвшинг хамтад нь хөгжүүлэхийг зорьж байна. Энэ төсөл нь сүүний салбарын бүтээмж, өрсөлдөх чадварыг цогцоор нь нэмэгдүүлэх суурь болно” хэмээв.
Ийнхүү АПУ Дэйри ХХК-ийн хэрэгжүүлж буй энэхүү төсөл нь Монгол Улсын сүүний салбарыг олон улсын жишигт ойртуулж, хэрэглэгчдэд өдөр бүр шинэхэн, чанартай сүү, сүүн бүтээгдэхүүн хүргэх боломжийг бодитоор нэмэгдүүлж байна.
1
0
0
0
0
0
0
0
