Н.Булгантамир: Digital Cleanup бол уур амьсгалын өөрчлөлтийн нөлөөлөл юм
Улсын Их Хурлын Төсвийн байнгын хорооны дарга, гишүүд өчигдөр /2026.01.16/ Гаалийн ерөнхий газа, Татварын ерөнхий газарт ажиллав.
Төсвийн байнгын хорооны дарга Н.Наранбаатар уулзалтын эхэнд, 2020.01.01-нээс хэрэгжсэн татварын шинэчлэлээр татварын хялбаршуулсан горим нэвтрүүлж, татвар төлөгчдийг бичил, жижиг, дунд, том гэж ангилан, тэдгээрийн онцлогт тохирсон татварын бодлого, стратеги хэрэгжүүлэхээр шийдвэрлэсэн нь онцлог зохицуулалт байсан гэв.
УИХ-ын гишүүд хүн бүр нэмэгдсэн өртгийн албан татвар төлөгч болоход цахим системийн хувьд ачаалал даах, бэлэн байдлыг хангасан эсэх, хүний нөөцийн чадавх, хүрэлцээ, татварын хуулийн шинэчлэлийн хүрээнд өнгөрсөн хугацаанд явуулсан үйл ажиллагаа, бодлогын алдаа оноо, туршлага сургамжид тулгуурлаад тодорхой дүгнэлт хийсэн талаар лавлалаа.
Гэхдээ бизнес эрхлэгчдийн өрсөлдөх чадвар, хөрөнгө оруулалт, татварын орчин, татварын хамрагдалтын байдалтай холбоотой асуудлыг оновчтой шийдвэрлэх шаардлагатай. Иймд Байнгын хороо татварын хуулиудыг боловсронгуй болгох хуулийн төслүүдэд туссан өөрчлөлт бүрд онцгой анхаарч, татвар төлөгчдөд ээлтэй, хууль тогтоомжийн давхардал хийдэл, зөрчилгүй хууль батална гэв.
“Татварын албаны 2025 оны үйл ажиллагаа”-ны талаар Татварын ерөнхий газрын даргын албан үүргийг түр орлон гүйцэтгэгч Б.Цогтнаран, “Татварын хуулиудад оруулах нэмэлт, өөрчлөлтийн төсөл”-ийн талаар тус газрын Татварын удирдлага, олон улсын татварын газрын дарга Д.Сайханчулуун, “Татварын цахим системийн шинэчлэлийн хүрээнд хийж байгаа ажлууд, Е-баримтын систем, цаашдын арга хэмжээ”-ний талаар “Санхүүгийн мэдээллийн технологийн төв” УТҮГ-ын дарга Б.Наранбаатар нар тус тус мэдээлэв.
Татварын ерөнхий газар 2025 онд “Зөвлөн туслагч татварын алба” гэсэн зорилтыг тавьж ажиллажээ. Энэ жил “Хэрэгцээнд нь үндэслэсэн зөвлөгч алба” зорилтын хүрээнд ажиллана. Манай улсад өнөөдрийн байдлаар нийт 286 мянган татвар төлөгч аж ахуйн нэгж, хуулийн этгээд, 2.5 сая иргэн татвар төлөгчийн бүртгэлтэй байгаа аж.
Байнгын хорооны дарга Н.Наранбаатар хэдийгээр гадаад, дотоодод улс төрийн нөхцөл байдал, эдийн засаг амаргүй байгаа ч төсвийн орлогыг бүрэн биелүүлж ажиллах нь татварын байгууллагын гол үүрэг гэдгийг онцлов. Мөн татварын бааз сууриа нэмэгдүүлэх, өр, төлбөрүүдийг барагдуулахад онцгой анхаарч, тодорхой төлөвлөгөө, гаргаж ажиллах шаардлагатай байна гэлээ.
Татварын салбарт цахим шилжилтийг эрчимжүүлж, их өгөгдөлд суурилсан мэдээлэл системийг бүрдүүлэх, хиймэл оюун ухааныг ашиглан татварын хамрагдалтыг нэмэх, далд эдийн засгийг илрүүлэх, татвар хураалт, ногдуулалтад илүү ашиглах нь зүйтэй гэв хэмээн Улсын Их Хурлын Хэвлэл мэдээлэл, олон нийттэй харилцах газраас мэдээлэв.
0
0
0
0
0
0
0
0
