Шинжлэх ухааны салбарын эрдэмтэн судлаачдаас бүрдсэн зөвлөл байгууллаа
Мексикийн Мехико хотод өнгөрсөн бямба гарагт болсон Gen Z нарын эсэргүүцлийн жагсаал цуглааны үеэр 120 гаруй хүн гэмтжээ.
Зумеруудын эсэргүүцлийн жагсаал хөдөлгөөний бэлгэ тэмдэг болоод буй One Piece манганы далайн дээрэмчдийн далбааг барьж, хар тамхины наймаачдын эсрэг дайн зарласныхаа дараа бусдын гарт амиа алдсан Уруапан хотын дарга Альберто Манзо Родригесын зураг бүхий лоозон барьсан жагсагчид авлигыг эсэргүүцэж, жилд олон арван мянган иргэдийн амийг авч оддог хар тамхины наймаатай холбоотой хүчирхийллээс ард иргэдийг хамгаалахыг эрх баригчдаас шаарджээ.
Ерөнхийлөгч Клаудия Шеинбаумын ордны гадаа жагссан иргэд цагдаа нар луу чулуу шидэж, ордны гаднах хамгаалалтыг эвдэлж, дайран орохыг оролдож, хууль сахиулагчид жагсагчдыг тараахын тулд нулимс асгаруулагч хий, бороохой зэргийг ашиглажээ. Эрх баригчдын мэдээлснээр жагсаалын үеэр 100 орчим цагдаагийн албан хаагч, 20 иргэн гэмтжээ.
Мексикийн хоёр дахь том хот болох Гуадалахара хотод болсон эсэргүүцлийн жагсаалын үеэр 13 хүн гэмтэж, цагдаа нар 47 хүнийг баривчилсан байна.
2024 оны 10-р сард Мексикийн Ерөнхийлөгчийн албан тушаалд томилогдсон Клаудия Шеинбаум олон нийтийн дэмжлэгийг хүлээгээд байгаа ч иргэд түүний аюулгүй байдлын бодлого ард иргэдийг хар тамхины наймаачдаас хангалттай хамгаалж чадахгүй байгаад сэтгэл дундуур байгаа аж.
Эх сурвалж: theguardian.com
0
0
0
0
0
0
0
0
