Шинжлэх ухааны салбарын эрдэмтэн судлаачдаас бүрдсэн зөвлөл байгууллаа
Нийтийн тээврийн хэрэгслийн хүлээгдлийн хугацааг багасгаж иргэдийн зорчих эрэлт хэрэгцээг хангах, нийтийн тээврийн үйлчилгээний хүртээмжийг сайжруулах зорилгоор Х:17 “Багануур-Тэнгэр плаза” чиглэлийг Х:17 “Улаанбаатар /Тэнгэр плаза/-Эрдэнэ сум-Багануур /Хэрлэн худалдааны төв/” болгон өөрчлөлт оруулжээ.
Тус чиглэлд хоёр автобус явдаг бөгөөд Багануур дүүрэг дэх чиглэлийн давхцалыг бууруулах зорилгоор Хэрлэн худалдааны төв автобусны буудал хүртэл үйлчлэхээр болов. Мөн Чулуу овооны иргэдийн хүсэлтээр Чулуу овооны автобусны буудал дээр Х:17 чиглэл зогсохоор болсон байна.
Харин Баянзүрх дүүргийн 11 дүгээр хорооны иргэдийн нийтийн тээврийн хэрэгслээр зорчих эрэлтийг хангах, хүртээмжийг нэмэгдүүлэх зорилгоор Ч:84 “Бага тэнгэр сити-Хан хиллс хотхон-120 мянгат” чиглэлийг шинээр нээж иргэдэд үйлчилгээ үзүүлэхээр болжээ.
Тус чиглэлд нийтийн тээврийн хоёр автобус үйлчлэх бөгөөд эхний автобус 06:30 цагт Бага тэнгэр сити автобусны буудлаас хөдөлнө.
Эдгээр чиглэлүүдийн үйлчилгээг 2025 оны 09 дүгээр сарын 27-ны өдрөөс эхлүүлэхээр бэлтгэл ажлыг хангасан бөгөөд нийтийн тээврээр үйлчлүүлэгч иргэд та бүхэн зураглалын дагуу үйлчилнэ үү.
0
0
0
0
0
0
0
0
