Сагсан бөмбөгчдөд Ерөнхий сайдын нэрэмжит шагнал 500 сая төгрөгийг гардууллаа

Монгол Улсын Ерөнхий сайд Г.Занданшатар 3×3 сагсан бөмбөгийн үндэсний шигшээ багийн тамирчдад Ерөнхий сайдын нэрэмжит шагнал болох 500 сая төгрөг гардууллаа.

Ерөнхий сайд Г.Занданшатар ард түмнээ эв нэгдэлд хөтөлж, эх орноо олон улсад сурталчлан таниулахад онцгой гавьяа байгуулж, түүхэн амжилт гаргасан тул  Монгол Улсын Ерөнхий сайдын нэрэмжит мөнгөн  шагнал олгож байгаагаа онцлоод 2028 оны олимпод өндөр амжилт үзүүлнэ гэдэгт итгэлтэй байгаагаа илэрхийлэв.

Монголчууд багийн спортоор амжилт гаргадаг гэдгийг олон улсад батлан харуулсан тамирчид, багийн дасгалжуулагчид, арын албаныханд мөн талархал илэрхийллээ.