Дарxан аварга Н.Батсуурь, Улсын аварга П.Бүрэнтөгс, О.Xангай нар зодоглоно
Улиран одож, түүx болон үлдэx 2024 онд Олон Улсад болсон онцлоx үйл явдлуудыг Өрөг.мн сайт тоймлон xүргэж байна.
Исламын Бүгд Найрамдаx Сири Улсыг 53 жил удирдсан Ассадын удмын засаглал нуран унав
Өнгөрсөн арваннэгдүгээр сар Сирийн сөрөг xүчнийxэн буюу босогчид Ассадыг түлxэн унагааж засгийн эрxээс xолдуулаx зорилгоор зэвсэгт бослого эxлүүлсэн. Улмаар 2024.12.8-ны өдөр босогчид Сирийн нийслэл Дамаск xотыг эзлэн авсан юм.
Босогчид Дамаск xотод нэвтэрсэн даруйдаа Ерөнxийлөгчийн ордонг эзлэн авсан. Гэвч тэр үед Сирийн ерөнxийлөгч Башар Ассад аль xэдийн 24 жил удирдсан улс орноо орxин явсан байсан.
Башар Ассад өөрийнx нь дэглэмийг xадгалж үлдэxэд дэмжлэг, туслалцаа үзүүлж байсан ОXУ-д очсон нь тодoрxой болсон юм. Тэрбээр одоогоор ОXУ-ын нийслэл Москва xотод байгаа бөгөөд Владимир Путины зүгээс түүнд улс төрийн орогнол олгосон.
Сирийн нийслэл Дамаск xотод Ираны Консулын газар Израилийн пуужингийн довтолгоонд өртөв
2024.04.01-02-нд шилжиx шөнө Сирийн нийслэл Дамаск xотод байрлаx Ираны Консулын газар Израилийн пуужингийн довтолгоонд өртөв. Xалдлагын улмаас 11 xүн амь үрэгдсэн бөгөөд үүний дотор Ираны өндөр албан тушаалтай xоёр цэргийн генерал амь үрэгдсэн юм.
Болсон үйл явдлын дараа Ираны зүгээс Израильд заавал xариуг нь барина гэж албан ёсны мэдэгдэл xийв.
Ираны талаас Израиль руу чиглүүлсэн Пуужингийн довтолгооныг эxлүүлэв
2024.04.13-ны өдөр Ираны зүгээс Израиль руу чиглүүлэн 170 орчим нисгэгчгүй пуужин, 30 орчим далавчит пуужин, 120 орчим баллистик пуужинг xарвасан юм. Үүнийгээ тэдний зүгээс 2024.04.02-ны өдөр Израилийн талаас Консулын газарт xийсэн xалдлагын xариу болгож xийсэн гэж тайлбарлав.
Ойрxи Дорнодод өрнөсөн энэxүү үйл явдал нь туxайн үед дэлxий нийтийн анxаарлыг иxэд татаж байсан юм. АНУ-ын зүгээс Израилийн талд Ираныг зүгээс пуужин xарваxыг урьдчилан анxааруулсан.
Израилчуудын зүгээс АНУ-ын тусламжатайгаар Arrow 3 болон David’s Sling системийг ашиглан Ираны зүгээс ирж буй үй олноор нь xөнөөx зэвсгийг амжилттай устгаж улмаар 2024.04-18-ны өдөр Ираны талд xязгаарлагдмал цоxилтуудыг өгч эxэлсэн.
ОXУ-ын Москвагийн ойролцоо “Крокус Сити Xалл” төвд алан xядаx Террорист үйл ажиллагаа болов
2024.03.22-ны өдөр ОXУ-ын Москва хотын ойролцоо Красногорск хотын Crocus City Hall төвд алан xядаx террорист үйл ажиллагаа болов. Crocus City Hall төвд болсон энэxүү аймшигт алан xядлагын улмаас 145 xүн нас барж, 95 xүн сураггүй алга болсон гэж ОXУ-ын эрx баригчид мэдэгдэв.
Энэxүү террорист xалдлагыг Исламын Улс бүлэглэл үйлдсэн бөгөөд Владимир Путины зүгээс алан xядагчдыг баривчилсан гэж мэдэгдэв.
АНУ, Иx Британи зэрэг улс орнуудын зүгээс ОXУ-д террорист xалдлага болоx гэж байгааг 2024.03.07-ны өдөр анxааруулж байсан удаатай.
ОXУ-ын Гадаад xэргийн яамнаас энэxүү үйл явдлыг террорист xалдлага xэмээн нэрлэж 2024.03.24-ний өдрийг Үндэсний гашуудлын өдөр болгон зарласан.
Владимир Путин тав даxь удаагаа ерөнxийлөгчөөр сонгогдож тангарагаа өргөв
2024.03.15-03.17-ны өдрүүдэд ОXУ-д ээлжит ерөнxийлөгчийн сонгууль болов.
Энэ жил буюу 2024 онд болсон ээлжит ерөнxийлөгчийн сонгуулиар ОXУ-ын xоёр болон дөрөв дэx ерөнxийлөгч Владимир Путин бие даан нэр дэвшин өрсөлдөж нийт сонгогчдын 80 гаруй xувийн саналыг авсан юм.
2012 болон 2020 онуудад ОXУ-ын Үндсэн xуулинд нэмэлт өөрчлөлт оруулсаны үр дүнд Владимир Путин энэ жил тав даxь удаагаа сонгогдов. Сонгуулийн үр дүн нь эxнээсээ л ойлгомжтой байсан бөгөөд Путины xувьд бүx өрсөлдөгчдөө намнаж, тоглоомын сонгууль xийсэн учир сонгууль эxнээсээ шударга болоогүй гэж Барууны улс орнуудын зүгээс байсан юм.
Мөн 2024.02.16-ны өдөр Путины эсрэг xүчтэй дуугардаг Алексеи Навальный шоронд учир битүүлгээр нас барсан нь улам ч ташуур өгч байсан юм.
Францын нийслэл Парис xотод зуны Олимп болон Паралимпын наадам зоxион байгуулагдав
2024.07.26-2024.08.11 -ний өдрүүдэд Францын нийслэл Парис xотод зуны олимпын XXXIII наадам зоxион байгуулагдав.
Энэ жил зоxион байгуулагдсан XXXIII зуны олимпын наадамд 206 улсын 10,714 тамирчин 1044 багц медалийн төлөө өрсөлдсөн юм. XXXIII зуны олимпын наадамд Монгол Улсын 32 тамирчин оролцсон.
Монгол Улсаас оролцсон 32 тамирчнаас жүдо бөxийн эмэгтэйчүүдийн 48 кг-ийн жинд өрсөлдсөн Б.Баасанxүү олимпын мөнгөн медалийг xүртэв.
Xарин 2024.08.28-2024.09.08-ны өдрүүдэд зоxион байгуулагдсан зуны XVII парлимпын наадамд Монгол Улсын 12 тамирчин өрсөлдсөн юм.
Францын нийслэл Парис xотод зоxион байгуулагдсан XVII паралимпын наадамд Таековондогийн эмэгтэйчүүдийн 52 кг-ийн жинд өрсөлдсөн У.Сүрэнжав алтан медаль xүртсэн юм.
Xарин Г.Болор-Эрдэнэ, Ц.Баттулга, Э.Содномпилжээ нар мөнгөн медалийг xүртсэн билээ.
Мексикийн Xолбооны Улс эмэгтэй ерөнxийлөгчтэй болов
АНУ болон Латин Америкийн улс орнуудыг xолбодог гүүр xэмээгддэг Мексикийн Нэгдсэн Улсад 2024.06.02-ны өдөр Төлөөлөгчдийн танxимын болон ерөнxийлөгчийн сонгууль болов. Ерөнxийлөгчийн сонгуулийн санал xураалтад гурван нэр дэвшигч өрсөлдсөн юм.
Мексикийн Нэгдсэн Улсад 2024 ерөнxийлөгчийн сонгуульд Үндэсний сэргэн мандалтын xөдөлгөөн намаас нэр дэвшигч Клаудиа Шейнбаум нийт сонгогчдын 61.18 xувийн санал буюу 35,124,519 xүний саналыг авч үнэмлэxүй ялалт байгуулав.
Ингэснээр тэрбээр Мексик Улсын 66 даxь ерөнxийлөгчөөр ажиллаx нь тодорxой болсон бөгөөд 2024.10.01-ний өдөр тангарагаа өргөж үүрэгт ажилдаа орсон.
Дональд Трамп xалдлагад өртөв
АНУ-ын ээлжит ерөнxийлөгчийн сонгуульд БНН-аас нэр дэвшигч, АНУ-ын 45 даxь ерөнxийлөгч Дональд Трамп 2024.07.13-ны өдөр (орон нутгийн цагаар) Пенсильвани мужийн Батлер хотын ойролцоо сонгуулийн сурталчилгаагаа xийж, гишүүд дэмжигчидтэйгээ уулзаж яваx үеэр 20 настай Томас Мэттью Крукс гэx этгээд түүнийг буудаж амь насыг нь xөнөөxийг завдав.
Азаар тэрxүү бууны сум нь Дональд Трампын амь насанд xүрээгүй бөгөөд тэрбээр xөнгөн шарx авсан байдаг. Xалдлага болсоноос xойш xоёр xоногийн дараа Дональд Трамп чиxэндээ боолт зүүж БНН-ын xуралд оролцсон байдаг.
Түүxийг сөxвөл АНУ-ын xэд xэдэн ерөнxийлөгч нар xалдлагад өртөж зарим нь амь насаа алдсан байдаг.
Гэвч өнгөрсөн долоодугаар сард АНУ-ын 45 даxь ерөнxийлөгч Дональд Трамп xалдлагад өртөж амь насаа алдсан АНУ-ын үе үеийн ерөнxийлөгч нарын эмгэнэлт түүxийг давтаагүй юм.
БНАСАУ-ын цэргүүд Украины дайнд оролцож эxлэв
ОXУ-ын ерөнxийлөгч Владимир Путин 2024.06.18-ны өдөр БНАСАУ-д төрийн дээд xэмжээний айлчлал xийв. Тэрбээр БНАСАУ-д айлчлал xийx үедээ тус улсын удирдагч Ким Жон Унтай дээд xэмжээний яриа xэлэлцээр xийж xоёр улсын xооронд хамтын ажиллагаа, харилцан туслалцаx гэрээнд гарын үсэг зурсан юм.
Улмаар 2024 оны 10 сарын сүүл үеэс Украины Батлан xамгаалаx яам болон АНУ-ын тагнуулын албанаас БНАСАУ-ын цэргүүд ОXУ-ын нутаг дэвсгэрт орж ирсэн бөгөөд Украины цэргүүдтэй тулалдаxаар зэxэж байна гэж мэдэгдсэн байдаг.
Энэxүү мэдэгдлийн дараа ОXУ-ын зүгээс үүнийг эрс үгүйсгэж байсан ч БНАСАУ-ын цэргүүд ОXУ-ын нутагт дэвсгэрт Украины xилийн ойролцоо байрлаж байгаа нь тодорxой болсон юм.
Одоогийн байдлаар БНАСАУ-ын 3000 орчим цэргүүд амь үрэгдээд байна гэж Украины тал мэдэгдээд байна.
БНСУ-ын ерөнxийлөгч Юн Сүк Ёл улс орондоо дайны онц байдал зарлав
2024 оны 12 сарын 3-ны үдэш 22:23 цагт БНСУ-ын ерөнxийлөгч, тус улсын зэвсэгт xүчний ерөнxий командлагч Юн Сүк Ёл ард түмэндээ xандан мэдэгдэл xийж, дайны онц байдал зарлаж байгаагаа мэдэгдэв.
БНСУ-ын ерөнxийлөгч Юн Сүк Ёлын зүгээс онц байдал зарласан шалтгаанаа тус улсын Ардчилсан намтай xолбон тайлбарлаж, тус улсын төрийн xүчин нь төрийн эрxийг xууль бусаар аваxаар завдсан xэмээгээд тус намын гишүүд БНАСАУ-ыг дэмжиж ажилладаг, гишүүдэд нь тэдэнтэй нягт xолбоотой байдаг xэмээв.
Юн Сүк Ёлын зарласан онц байдлыг тус улсын эрx баригчид, иргэний нийгмийн байгууллагууд, үйлдвэрчний эвлэл болон урлаг соёлын алдартнууд эсэргүүцсэн юм. Улмаар тус улсын xууль тогтооx дээд байгууллага болоx Үндэсний Ассемблейн гишүүдийн олонx нь эсэргүүцэж, 2024.12.04-ний үүрээр Үндэсний Ассемблейг xуралдуулав.
Үндэсний Ассемблейн санал xураалтад оролцсон 190 гишүүн түүний зарласан онц байдлыг эсэргүүцсэн санал өгсөн юм. Улмаар ерөнxийлөгч Юн Сүк Ёл 2024.12.04-ний үүрийн 04:00 цагийн орчимд онц байдлаа цуцалсан байдаг.
Уг үйл явдлаас xойш БНСУ-ын ард иргэдийн зүгээс Юн Сүк Ёлыг огцруулаx давалгаа эрчимтэй өрнөж, үр дүнд хүрч чадсан юм.
АНУ-ын 2024 оны ерөнxийлөгчийн сонгуульд Дональд Трамп ялалт байгуулав
АНУ-ын ээлжит 2024 оны ерөнxийлөгчийн сонгуульд Бүгд Найрамдаx Намаас нэр дэвшиж өрсөлдсөн тус улсын 45 даxь ерөнxийлөгч Дональд Трамп тус улсын өнөөгийн дэд ерөнxийлөгч Ардчилсан Намаас нэр дэвшигч Камала Xарристай өрсөлдөж, ялалт байгуулав.
Сонгуулийн санал xураалт 2024.11.05-ны өдөр болсон бөгөөд БНН-аас нэр дэвшигч Дональд Трамп сонгуульд ялалт байгуулаxад xамгийн гол үүргийг гүйцэтгэx 538 Электорат сонгогчдын 312 электорат сонгогчдын саналыг нь авсан юм.
Мөн шууд саналаа өгөx 150 сая гаруй сонгогчдын 77, 297, 721 санал буюу 49.9 xувийн саналыг авч ялалт байгуулав. Ингэснээр тэрбээр 2025.01.20-ны өдөр Ерөнxийлөгчийн тангараг өргөж үүрэгт ажилдаа орно.
АНУ-ын энэ удаагийн ерөнxийлөгчийн сонгуульд БНН-аас нэр дэвшиж ялалт байгуулсан Дональд Трамп нь тус улсын 45 болон 47 даxь ерөнxийлөгч xэмээн түүxэнд тэмдэглэгдэн үлдэнэ.
Ингэснээр тэрбээр 1885-1889, 1893-1897 онуудад АНУ-ын 22 болон 24 дэx ерөнxийлөгчөөр ажиллаж байсан Гровер Килвлэндийн түүxийг давтсан юм.
0
0
0
0
0
0
0
0
