ОXУ-ын зүгээс Украин руу тив алгасаx Баллистик пуужин xарважээ
Уур амьсгалын өөрчлөлтөөс улбаатай гамшгийн эрсдэлийг бууруулах, Үндэсний сөрөн тэсвэрлэх чадавхыг бэхжүүлэх, гамшгийн бэлэн байдал, хариу арга хэмжээний санхүүжилтийн асуудлаар Дэлхийн банкны Суурин төлөөлөгч Таехиун Ли тэргүүтэй албаны төлөөлөлтэй уулзлаа.
Монголд төдийгүй Дэлхий дахинаа уур амьсгалын өөрчлөлттэй холбоотой байгалийн гамшигт үзэгдлийн тоо, давтамж, хамрах хүрээ, хор хохирол жилээс жилд өсөн нэмэгдэж байгаа учраас гамшигт тэсвэртэй нийгмийг цогцлоох, дасан зохицож даван туулах, эрсдэлийг шилжүүлэх санхүүгийн тогтолцоог нэвтрүүлэхэд улс орнууд анхаарч эхэлсэн.
Монгол Улсын Засгийн газар, Улсын Онцгой комиссын зүгээс Гамшгийн эрсдэлийг бууруулах менежмент, Үндэсний сөрөн тэсвэрлэх стратеги болоод хууль эрх зүйн орчныг сайжруулахдаа энэ чиглэлд анхаарч, олон нийтийн оролцоог ханган, орон нутгийн засаг захиргааны байгууллагын эрх мэдлийг нэмэгдүүлж байна.
Цаашид Гамшгийн эрсдэлийн нэгдсэн сан, Эрсдэлийн даатгал зэрэг санхүүгийн хэрэгслүүдийг илүү боловсронгуй болгох зорилгоор олон улсын банк, санхүүгийн байгууллагуудтай хамтран гамшгийн эрсдэлийг бууруулах санхүүгийн платформыг нэвтрүүлэх саналыг миний бие УОК-ын даргын хувьд 2024 оны Ази, Номхон далайн бүсийн сайд нарын Бага хуралд илэрхийлсэн.
Дэлхийн банкны зүгээс ч энэ санаачилгыг дэмжихээ илэрхийлж, Монгол дахь Гамшгийн бэлэн байдал болон гамшгийн дараах Шуурхай хариу арга хэмжээ авахад зориулж Дэлхийн банкны санхүүжилтийн нийт багцын 10%-ийн зарцуулагдаагүй үлдэгдлийг ашиглах боломжтой гэдгийг илэрхийллээ.
0
0
0
0
0
0
0
0
