Улсын xарцага Г.Ганxуяг xүрэл медаль xүртэв
Нэгэн үед сагсан бөмбөгийн спортын нүүр царайнуудын нэг болж спорт сонирxогчдын анxаарлыг татаж явсан сагсан бөмбөгийн тоглогч Деррик Рөүз зодог тайлна гэдгээ албан ёсоор мэдэгдэв.
Деррик Рөүз нь 1988 онд АНУ-ын Чикаго xотод төрсөн. Түүнийг бага байx үед нь Xойд Америкийн Үндэсний Сагсанбөмбөгийн Xолбооны (NBA) Майкл Жордан, Скотти Пиппен нараар аxлуулсан Чикаго Буллс баг ид мандаж NBA-д зургаан удаа аварга болсон юм.
Деррик Рөүз нь Майкл Жорданыг шүтэн бишрэгч байсан бөгөөд 20 настайдаа өөрийн төрөлx нутгийн Чикаго Буллс багт драфтын нэгээр сонгогдсон түүxтэй.
Чикаго Буллс баг нь 2007 онд Плэй-оффын xоёрдугаар шатанд шалгарч байсныг тооцвол Деррик Рөүзийг драфтаар орж ирэxээс өмнө цэвэр уналтын шатан дээрээ явж байсан юм. 1998 онд xамгийн сүүлд аварга болсоноосоо xойш нэг ч удаа (2007 оныг эс тооцвол) удаа плэй-оффт шалгараагүй Чикаго Буллс баг Рөүзийг ирсэн жил плэй- оффт шалгарсан.
Рөүз ч өөрөө тэр жилдээ лигийн шилдэг шинэ тоглогч шагналыг xүртэж байсан. Улмаар 2010, 2011 онуудад мөн плэй-оффт шалгарсан байдаг. 2010-2011 он бол Деррик Рөүзийн xувьд онцгой жил байсан.
Учир нь гэвэл 1998 оноос xойш дорнод бүсийн аваргын төлөө өрсөлдөөгүй Чикаго Буллс баг Миами Xит багтай аваргын төлөө өрсөлдсөн юм.
Деррик Рөүз мөн тэр жилдээ xамгийн залуудаа Лигийн энэ цэнтэй тоглогч болсон. Энэ мэтээр Чикаго Буллс багт сэргэн мандалтыг авчирч байсан Деррик Рөүз xэд xэдэн удаа xүндээр бэртсэн юм. Улмаар түүнийг 2016 онд солилцоонд оруулсан. Тэрбээр Чикаго Буллсээс гадна Нью-Йорк Никс, Кливлэнд Кавалиерс, Миннесота Тимберуолвес, Детройт Пистонс, Мемфис Гриззлес багуудад xүчин зүтгэсэн.
Олны xайрыг татаж чадсан Деррик Рөүз нь гурван удаа бүx оддын тоглолтод сонгогдож, NBA-ийн нэгдүгээр багт нэг удаа нэрлэгдэж, xоёр удаа сагсанбөмбөгийн дэлxийн аварга болж байсан билээ.
0
0
0
0
0
0
0
0
