Н.Номтойбаяр: Ц.Даваасүрэн төсвийн байнгын xорооны дарга xэвээр байвал өөрчлөлт гараxгүй
Нийтийн тээврийн шинэ маршрутын хэт богино эргэлт нь өмнө нь нэг автобусаар хүрдэг байсан газарт олон автобус дамжиж очиход хүргэж байна хэмээн иргэд бухимдаж байна. Тэгвэл энэхүү маршрут шинэчлэлийн талаар өчигдөр буюу нэг сарын 19-ний өдөр хийсэн хэвлэлийн бага хурлаас хүргэж байна.
Нийслэлийн Засаг даргын хэвлэлийн төлөөлөгч Н.Сугар: "Олон жил зорчсон чиглэлүүд нь өөрчлөгдөхөөр иргэдийн дунд ойлгомжгүй байдал, төөрөгдөл үүсэх магадлалтай. Гэхдээ иргэд автобус хүлээх хугацааг багасгах, замын хөдөлгөөн ачаалалтай үед автобуснууд нэг талдаа бөөгнөрдөг байдлыг халахын тулд шинэ чиглэлүүдийг төлөвлөсөн. Түүнчлэн чиглэлүүдийн давхцал арилна. Улаанбаатар хотын гол гудамж болох Энхтайваны өргөн чөлөөнд нэг л чиглэл явах тул иргэд тухайлсан нэг чиглэлийг удаан хүлээж зогсох шаардлагагүй болно. Энхтайваны өргөн чөлөөнөөс цааш явж буй чиглэлүүдэд анхаарч, харахад болох юм" гэсэн юм.
Харин Нийслэлийн Засаг дарга өөрийн цахим хуудаснаа гурав хоногийн өмнө нийтийн тээврийн маршрут шинэчлэгдэж байгаа асуудлын талаар тайлбар бичсэн. Уг тайлбарыг хүргэж байна.
Нийслэлийн Засаг дарга Х.Нямбаатар: "Манай нийтийн тээврийн чиглэлүүд хэт урт, түүнээсээ болоод оргил ачааллын үед автобуснууд нэг талдаа гарч гацах зэрэг бэрхшээлүүд үүсчихсэн. Үүнийг шийдэхийн тулд шинэ чиглэлүүдийг гаргаж байгаа. Төв замуудын үндсэн 6 чиглэл, тойрог хэлбэрийн 8 чиглэл, богино эргэлтийн 40 чиглэл зэргийг шинээр нэвтрүүлэх гэж байна. Ийм өөрчлөлт хийхгүй бол төв зам буюу Энхтайваны өргөн чөлөөнд нийтийн тээврийн 28 чиглэл давхацдаг юм байна. Үүнээс болоод оргил ачааллын үед автобус түгжрэлд ороод ирэхгүй иргэдийг чирэгдүүлээд байна" гэж байжээ.
0
0
0
0
0
0
0
0
